himmat

Ma’nolari

1. Odamgarchilik, muruvvat yuzasidan qilinadigan yaxshilik, yaxshi ish, yordam; insondagi shunday ishga boʻlgan tuygʻu, xislat, fazilat.
2. Himmat kamarini bogʻlamoq kamar I.

Misollar

• "Elga xizmat — oliy himmat", deydi xalqimiz.
• Xalqimizning bagʻri keng, himmati zoʻr. Ota-onasiz bolalarni oʻz bagʻriga oldi. — R. Fayziy — Sen yetim emassan.
• Usta mirishkorlar bilan qoʻlni qoʻlga berib, dalalarda javlon urayotgan shaharliklar va studentlar himmatiga balli. — Gazetadan.
• Elning gʻayratiga ham, himmatiga ham balli! Xuddi shu buyruqni kutib turganday, birvarakayiga ishga yopishib ketdi. — Oydin — Farhodlar.
• Kori xayr ishi davlatga qaramaydi, ogʻayni.. himmatga qaraydi, himmatga. — "Mushtum".

Kelib chiqishi

arab. – gʻayrat-shijoat, joʻshqinlik; harakat, hafsala, qunt; yugur-yugur, tashvish

Manba: Vikilug‘at