ihota

Ma’nolari

1. Atrofni toʻsish, himoya uchun oʻrash, toʻsish va shu maqsaddagi toʻsiq, himoyaning oʻzi; qurshov.
2. Ihota qilmoq (yoki etmoq) Toʻsib himoya qilmoq.

Misollar

• Daladagi ihota daraxtlari shoxiga qoʻnib olgan gʻalati qushchalar chugʻurlashib, oʻzaro nima haqdadir bahslashmoqdalar. — Gazetadan.
• Bobur Zarafshon daryosi koʻrinib turgan bir joyni oʻrda qilib, atrofiga chuqur xandaqlar qazitdi, shox-shabbalardan oʻq oʻtmaydigan ihotalar yaratdi. — P. Qodirov — Yulduzli tunlar.
• ..baʼzida oʻttiz-qirq otliq ihotasida amirzodalar ham sayrga chiqadi. — Mirmuhsin — Meʼmor.
• Toʻrt botmon chamasi mevazor, gulzor baland paxsa devor bilan ihota qilingan edi. — "Sharq yulduzi".
• Qalʼani ihota qilib turgan navkaru yasovullar har tomonga tumtaraqay qochibketishdi. — Mirmuhsin — Meʼmor.
• Faqat eshik oldida tarvaqaylagan katta tut daraxti qalin soya tashlab, unda istiqomat qiluvchilarni issiqdan ihota etib turar edi. — S. Karomatov — Oltin qum.

Kelib chiqishi

arab. – oʻrab olish, devor; qamrab olish

Manba: Vikilug‘at