istiqbol

Ma’nolari

1. Kelgusi zamon, kelgusidagi holat, hayot; kelajak.
2. Kelgusiga oid, kelajak bilan bogʻliq narsa, ish va sh. k.
3. Qarshi olish, qarshilash (va uning belgisi, ifodasi).

Misollar

• Na hozirgi holati, na istiqboli unga hech narsa vaʼda qilmas edi. — A. Qahhor — Sarob..
• Anvar istiqbolda qanchalik mushkulot va xatar koʻrmasin, bu jasoratni xush qabul qilishga majbur, chunki muhabbatdan ham ilgari yigitlik taqozosi shu edi. — A. Qodiriy — Mehrobdan chayon.
• Yakun va istiqbollar. — Gazetadan.
• Oʻzaro manfaatli iqtisodiy hamkorlik uchun chinakam istiqbollar ham belgilanib olindi. — Gazetadan.
• Bundan maqsad bu konlarning qachon ochilgani, qancha muddat foydalanilgani va, nihoyat, ularning istiq-bolini aniq belgilash ustida ilmiy ish olib borish edi. — S. Karomatov — Oltin qum.
• Yigitali qadamini tezlatdiyu, negadir qiz istiqboliga oshiqmadi. — D. Nuriy — Osmon ustuni.
• Choʻlbobo istiqboliga ayollar oʻrinlaridan turdilar, unga toʻrdan joy koʻrsatdilar. — H. Gʻulom — Feruza.
• Umid uzoqdan Hafiza kelayotganini koʻrib, istiqboliga yura boshladi. — Mirmuhsin — Umid.
• Ikki soldat bilan istiqboliga chiqdi. — S. Ahmad — Ufq.

Kelib chiqishi

[ya. — biror kimsa yoki narsani qarshi olish, kutib olish; kelajak zamon]

Manba: Vikilug‘at