jahannam

Ma’nolari

1. Gunohkorlarning ruhi narigi dunyoda doimiy azobda yashaydigan joy; doʻzax.
2. Chidab boʻlmaydigan sharoit, azob, ogʻir muhit.
3. kam qoʻll. Jarlik, jar; tubsiz yer.
4. Jahannamga yubormoq; Oʻlimga yubormoq, oʻldirmoq.

Misollar

• -Jahannam qaʼriga ketibdi zolim! — deb gap otdi Sodiq temirchi. — H. Gʻulom — Mashʼal.
• Oktyabrning oxiri edi. Kun issiq boʻlsa ham, lekin yoz oylarining jahannamiga nisbatan bu faslning havosi pokistonliklar uchun juda muloyim, hatto salqindek sezilar edi. — Oybek — Nur qidirib.
• Nega ona toʻngʻich qizini jahannamga tashlamoqchi? Ostin-ustin boʻlib ketdimi bu dunyo? — I. Rahim — Chin muhabbat.
• Gulnor uch kunni jahannam azobida oʻtkazdi. — Oybek — Tanlangan asarlar.
• Nima qilardi deysiz, hamma gap suvdada. Mana shu jahannamda oqayotgan suvni baland koʻtarib, choʻllarni obod qilmoqchi boʻlgan, deydilar. — Oydin — Shirin keldi.
• Bola uchinchi dev bilan ham olishib, yetti kundan keyin, oxiri jonini jahannamga yuboribdi. — "Oltin beshik".
• -Pashsha talayaptimi, hozir hammasini jahannamga yuboramiz, qoracham! — pashshalarni ezib davom etdi Joʻra. — Oybek — Tanlangan asarlar.

Kelib chiqishi

arab. – doʻzax

Manba: Vikilug‘at