karomat

Ma’nolari

1. . Xudoning, gʻayritabiiy kuchlarning aralashuvi bilan, ular yordamida vujudga keladigan gʻaroyib hodisa(lar), moʻʼjiza.
2. . Biror voqea-hodisaning qachon va qanday boʻlishini ilohiy bilim asosida oldindan bilish, oldindan aytib berish; bashorat.
3. . Oldindan aytilgan xabar, fikr-mulohaza.
4. Karomat qilmoq. 1) oldindan aytmoq, oldindan bilib, bashorat qilib aytib bermoq.
5. Karomat koʻrsatmoq; Ajablanadigan yoki qoyil qoladigan ish qilmoq, moʻʼjiza koʻrsatmoq;
6. Sohibi karomat; Oldindan aytuvchi, bashorat qiluvchi.
7. . Karomat (erkaklar va xotin-kizlar ismi).

Misollar

• Karomat nogʻorachilarda boʻladi. Qoʻshningning xotini tugʻsa, ertalab nogʻora ovozidan bilasan. — T. Obidov — Yusufjon qiziq.
• Karomatingiz juda toʻgʻri.
• Eshon va eshon ayaning har bir gapini karomat bilgan muridlarning tushunchasini oʻzgartmoq, eshondan eʼtiqodini qaytarmoq oson emas. — S. Ahmad — Hukm.
• Agar shahardagi qoʻl bergan donishmand pirim kelib: Hoy Madamin, bir kun emas, bir kun amaldan ajrab, xalq oldida boʻyin egasan, deb karomat qilsa, pir boʻlishiga qaramay, qamchi bilan rosa savalardim. — P. Tursun — Oʻqituvchi. 2) oldindan xabar bermoq, fikr bildirmoq;
• Xuddi dehqonlarning yuragiga qoʻl solib, dardini topganday, karomat qilib aytishini qarang-a. — R. Fayziy — Choʻlga bahor keldi.
• Oʻqib, nima karomat koʻrsatardingiz, bolam? Juda shahar olib berarmidingiz? — M. JaloliddinovaJurʼat.
• Doktor chaqiraymi, Polvon amaki? – Qoʻy, inim.. doktoring nima karomat koʻrsata olardi. — R. Rahmon — Mehr koʻzda.

Kelib chiqishi

arab. – eʼtibor; saxovat, saxiylik; moʻʼjiza

Manba: Vikilug‘at