Izohli lug‘at
kim
ким
Ma’nolari
- Umuman, shaxs haqida (ismi, ish-amali va b. nuqtai nazardan) soʻroqni bildiradi.
- Ismi, ish-vazifasi va b. jihatdan aniq boʻlmagan shaxsni bildiradi.
- Nisbiy olmosh vazifasida ergash gapni bosh gapga bogʻlash uchun xizmat qiladi.
- Qator kelgan bir necha gaplar boshida qoʻllanib, biri, baʼzisi degan maʼnoni bildiradi.
- Kim biladi (yoki bilsin) - shaxs, narsa, voqea-hodisa va shu kabilarning nomaʼlumligi, aniq emasligini bildiradi; bilmayman, bilmadim (bilmasam).
Misollar
- -Kim keldi?-Sobir. -Meni kim soʻradi? -Direktor,
- -Mening bu yerda ekanligimni kim aytdi? - dedi Sidiqjon birpas jimlikdan soʻng. - Oʻzingiz soʻroqlab bildingizmi? Kimdan soʻradingiz? — Abdulla Qahhor — Qoʻshchinor chiroqlari
- -Xoʻp, yangi ochiladigan maktablarda kim oʻqiydi? - dedi boy. -Musulmon bolalari. — Oybek — Tanlangan asarlar
- -Siz oʻzingiz kimsiz? - Oʻgʻlingiz Nizomiddinning doʻstlaridanman. — Mirmuhsin — Meʼmor
- -Yuvgʻuchi kerak boʻlsa, kadxudoning uyiga bor. Kiming oʻlgan? - dedi choyxonachi qalandarga. — Sa’dulla Siyoyev — Yorugʻlik
- Shuning uchunmi, koʻksi zardobga toʻlib, dardini kimga aytishini bilmay qolgan kezlarida, Avaz Mutribni sogʻinadi, unga koʻngil yoradi. — Sa’dulla Siyoyev — Yorugʻlik
- Kimning bilagida kuchi boʻlsa, kim ishning havosini olsa, oʻsha zarbdor boʻlaveradi. — Abdulla Qahhor — Qoʻshchinor chiroqlari
- Ularning bari jarohatlangan: kimi boshini ushlaydi, kimi belini koʻtara olmaydi. — Oybek — Tanlangan asarlar
- Aksarining ust-boshi yupun.. kimlarda poxol tiqilgan eski kalish, kimlarda jagʻi yirtiq kavush, lekin ular shod. — Oybek — Tanlangan asarlar
- Qirgʻiz Oʻroz belbogʻiga mahkam chandib tugilgan bittagina soʻlkavoyni (kim biladi, buni qachonlardan beri saqlab kelgan u) chiqarib, sekingina tashladi. — Oybek — Tanlangan asarlar
- Oriyatli boʻlganidan, odamlar yuziga tik qaragani uyaladimi, kim bilsin, bu ayolning vujudida oʻn erkakning or-nomusi bor edi. — To‘xtash Ashurov — Oq otKim aytadi sizni (seni) - shaxsning qilgan ishi, xatti-harakati unga munosib emasligini bildiradi, qayd etadi.
- Yashang-e, sizni kim aytadi qishloq muxbiri deb? — "Guldasta"
Manba: Vikilug‘at
Ko‘rilgan: 0