mojaro

Ma’nolari

1. Hodisa, voqea (asosan, salbiy voqea-hodisa haqida).
2. Kishining boshidagi, boshidan kechgan tashvish, sarguzashtlar.
3. Janjal, tortishuv, gʻalva.

Misollar

• Dahshatli mojarolar.
• Zaynabning jinni boʻlib.. ogʻasi tomonidan ushlanib, kishanga solingan mojarosi eshitildi. — A. Qodiriy — Utgan kunlar.
• Maktablar boʻldi vayron, Imoratlar xaroba. Bu ofat mojaroga Koʻhna falak hamhayron. — M. Shayxzoda.
• Abdurasul oʻz boshidan kechgan mojarolarni soʻzlashga kirishdi. — P. Tursun — Oʻqituvchi.
• Bir vaqtlar ishq mojarolarini yolgʻiz ertaklardan tinglagan Gulnor endi oʻzi ishqning olov koʻylagida yashar edi. — Oybek — Tanlangan asarlar.
• Sharofat.. Sidiqjonning gʻashiga tegmoqchi, shu yerda biron mojaro boshlab, dod solmoqchi edi. — A. Qahhor — Qoʻshchinor chiroqlari.
• Yoʻlda xotini bilan tongda boʻlgan mojaroni eslab, koʻngli battar xijil tortdi. — Q. Kenja — Notanish gul.

Kelib chiqishi

arab. – oʻrtada boʻlgan narsa, ayni shu sababli

Manba: Vikilug‘at