moyil

Ma’nolari

1. Mayli, koʻngli bor, koʻngil qoʻygan.
2. Yaqinlashib boruvchi, yaqin.
3. Biror narsa taʼsiriga beriluvchan, yaqin.
4. Moyil qilmoq (yoki etmoq) Maylini qozonmoq, moyillik uygʻotmoq.

Misollar

• Ilmga moyil odam.
• Qoʻshnisi qishloqdagi bir dehqonning Nurjamol ismli qizini yaxshi koʻrarkan. Qiz ham unga moyil ekan. — M. Xayrullayev — Koʻngil.
• Ammo yoshlar odam zotin ayirmas. Koʻngil moyil boʻlsa — shuning oʻzi bas! — M. Ikrom — Koʻngil guli.
• Olti-yetti yoshlar chamasi doʻndiqqina, oqqa moyil yuzchasi isiqqina bu jajji qiz.. qoʻgʻirchoqqa oʻxshar edi. — M. Ismoiliy — Fargʻona tong otguncha.
• Berdiyorning boʻyi ham novcha, oʻzi sariqqa moyil. — Sh. Xolmirzayev — Ogʻir tosh koʻchsa.
• Raʼno tabassumga moyil jodu koʻzlari bilan Anvarga ohista bosh koʻtarib qaradi. — A. Qodiriy — Mehrobdan chayon.
• Yer bagʻirlab turgan imoratlar koʻngilda gʻashlikka moyil bir his uygʻotadi. — E. Usmonov — Yolqin.
• Boʻrijarning shahar chekkalaridagi sohillari eroziyaga moyil boʻlib turibdi. — Gazetadan.
• Bilimsiz kishilarning koʻngli xurofotga moyil boʻladi. — Gazetadan.
• Ertangi kun ishqi etmasa moyil, Hayotning lazzati kelurmi esga. — G. Joʻrayeva.

Kelib chiqishi

arab. – bir tomonga egilgan, engashgan; qiya, nishab

Manba: Vikilug‘at