muvofiq

Ma’nolari

1. Mos, toʻgʻri keladigan, munosib, loyiq.
2. Monand, yarasha, mos.
3. (j. k. bilan) koʻm. vazifasida. Binoan, asosan, koʻra.
4. Maqsadga muvofiq; Maqsadga, talabga javob beradigan, foydali, oʻrinli.

Misollar

• Oʻziga muvofiq ish topmoq.
• Qoʻqonga chopar yubormoqchi boʻldilar, bu ishning muvofiq kishisi, albatta, Hasanali boʻlganligidan chopar boʻlib belgilandi. — A. Qodiriy — Oʻtgan kunlar.
• Chittak deb laqab qoʻygan kishi Nabigulga juda muvofiq laqab qoʻyibdi. — A. Qahhor — Qanotsiz chittak.
• Gapiga muvofiq javob.
• Qonunga muvofiq. Farmonga muvofiq. Anʼanaga muvofiq.
• Ularning oʻzaro pisandalariga muvofiq yangi yerlar, chiqariladigan suvlar Teshaboyga tekin oʻtadi. — M. Ismoiliy — Fargʻona t.o.
• Darsliklarga ichish va chekishning halokatli taʼsiri haqidagi maqollar kiritilsa, maqsadga muvofiq boʻlardi. — Gazetadan.
• Ahmad uning ahvoliga kulib, birmuncha savol berishni maqsadga muvofiq topdi. — Gazetadan.

Kelib chiqishi

arab. – maʼqullovchi, mos keluvchi, qulay; maqbul

Manba: Vikilug‘at