non

Ma’nolari

1. Xamirdan tayyorlanib, tandir, oʻchoq, tova larda pishiriladigan yegulik.
2. Umuman, yegulik-ichgulik, yashash, tirikchilik uchun zarur narsa.
3. Non gadoyi - nonga zor, kambagʻal-qashshoq.

Misollar

• Bugʻdoy non.
• Zogʻora non.
• Shirmoy non.
• Boʻlka non.
• [Kampir] Non yasab boʻlguncha, tandir qizidi. Keyin bir chekkadan yopdim. — Oybek — Tanlangan asarlar
• aka, men non toparmikanman, deb qorin gʻamida maktab ochganim yoʻq, - dedi u [Gʻulomjon] bosigʻi bilan. — Mirzakalon Ismoiliy — Fargʻona tong otguncha
• U yo oʻz-oʻzini oʻldirardi, yo xizmatkor yigit bilan bir yurtga qochib, kambagʻallikda, non gadoyi boʻlib yashardi. — Oybek — Tanlangan asarlarNon yemoq - biror narsadan foydalanib tirikchilik oʻtkazmoq, kun kechirmoq.
• Doim hovli, yer janjalidan non yeb yuradigan bir ellikboshi, afandining yoʻlini toʻsib, koʻrgan tushini aytib berdi. — "Latifalar"Non sindirish (yoki ushatish) - nikoh toʻyi marosimlarining bir qismi: qiz tomon, yaʼni uning ota-onalari sovchi yuborgan tomonga oʻz roziligini bergach, sovchilar keltirgan dasturxon ochilib, shu rozilik belgisi sifatida non sindirilishi va toʻy bilan bogʻliq masalalarning belgilanishi, hal qilinishi.Noni butun - tirikchilik, yashash uchun zarur narsalari but, muhayyo, hech narsadan kamchiligi yoʻq, bekam-koʻst, toʻkis.
• Sartarosh u dunyo, bu dunyo xor boʻlmaydi. Hamma vaqt noni butun [dedi kampir Shodiga]. — Ergash Raimov — Ajab qishloqNoni yarimta - biror sherik yoki raqobatchi tufayli topish-tutishi kamaygan, yetishmay qolgan.
• Nima, Qobilov kelib, nonimiz yarimta boʻlib qoldimi, aksincha, qoʻlni-qoʻlga berib ishlasangiz, bitta noningiz ikkita boʻladi. — S. Mahkamov — ShogirdNonini tuya qilmoq - birovga tegishli haqning maʼlum qismini olmoq, oʻzlashtirmoq.
• "Boʻshanglik qilsam, nonimni tuya qilib berishlari aniq", - oʻyladi Yoʻlchi. — Oybek — Tanlangan asarlar

Kelib chiqishi

Forschadan نان - non; oziq-ovqat.

Manba: Vikilug‘at