omonat

Ma’nolari

1. Saklab berish, vaqtincha foydalanish yoki boshqa bir kishiga eltib berish uchun topshirilgan.
2. Omonatga saqlangan pul va b. narsa, buyum.
3. Mijozning maʼlum bir shartlar asosida bankka qoʻygan pul mablagʻi.
4. Nomigagina, shunchaki; zoʻrgʻa.
5. Vaqtinchalik.
6. Puturdan ketgan yoki zoʻrgʻa ilinib turgan.
7. Omonat daftarchasi Omonat kassaga pul qoʻyilgani haqidagi shaxsiy hujjat.
8. Omonat kassasi Fuqarolarning pulini vaqtincha sakdab beradigan muassasa.
9. Omonatini topshirmoq Vafot etmoq, olamdan oʻtmoq.

Misollar

• Omonat xat. Omonat pul.
• Anov kuni qoʻyib ketgan omonatga keldim. — I. Rahim — Chin muhabbat.
• Omonatlarni egalariga topshirganimizdan keyin, mayli.. kuyovtoʻra qizimizni Makkaga olib borsalar ham, monelik yoʻq. — I. Oʻktamov — Hikoyalar.
• Chol supadagi yogʻoch soʻriga omonat ilinib, niyatini aytishga soʻz topolmay qiynaldi. — "Yoshlik".
• Toʻychi poygakdagi choʻyan pech ustiga omonat oʻtirdida, yerga qaragancha, indamay, papirosga zoʻr berdi. — A. Koʻchimov — Halqa.
• Odam — omonat, diydor – gʻanimat. — Maqol.
• shya Jiyan ijara uyda omonat oʻtirdi. — "Yoshlik".
• Omonat bino.
• Oshpaz kosaga lagʻmon suzib, yoʻnilmagan taxtadan omonat yasalgan stol ustiga qoʻydi. — S. Ahmad — Ufq.
• Salimxon Obidiy.. allaqanday zarur hujjatlarni, omonat daftarchasini roʻmolga tugdi. — Mirmuhsin — Umid.
• Kampir uyga kirganu, shu qisqa fursat ichida choli toʻshakka beozor choʻzilganicha, omonatini topshirib qoʻyganining guvohi boʻlgan. — "Yoshlik".

Kelib chiqishi

arab. – ishonchlilik; toʻgʻrilik, halollik; saqlash uchun berilgan narsa; tuhfa; meros

Manba: Vikilug‘at