Izohli lug‘at
qanoat
қаноат
Ma’nolari
- Ozga yoki borga koʻnish, bori bilan kifoyalanish, nafsi tiyiqlik bilan koʻpga, ortiqchalikka intilmaslik hissi.
- Mamnunlik, qoniqish hissi; mamnu-niyat, qoniqish.
- Ishonch, ishonish.
- Qanoat qilmoq. Oʻzini qanoatda tutmoq, boriga sabr qilmoq, bori bilan kifoyalanmoq.
- Qanoat hosil qilmoq.
- qoniqish hosil qilmoq; kifoyalanmoq, chek-lanmoq.
- ishonmoq, ishonch hosil qilmoq.
- Qanoat qilmoq. Oʻzini qanoatda tutmoq, boriga sabr qilmoq, bori bilan kifoyalanmoq.
Misollar
- Kambagʻalni sabru qanoat asraydi.
- Qanoat qilmasa, sharmandaligi ortadi. — Oybek — Tanlangan asarlar
- Mutalga raiiikni berib, oʻzi muovinlikka qanoat bildirgan chogʻ-larda, Ravshan polvon Mutaldan umidi bosh-qa edi. — Odil Yoqubov — Larza.
- Pochchayev hammaning faqat oʻziga qarab qolganini ichida qanoat bilan qayd qilib, Jumanga yer oyetidan „qalaysan?“ deganday bir nazar tashlab qoʻydi. — Asqad Muxtor — Tugʻilish.
- Qanoat axloqiy, iroda-viy fazilatlar jumlasiga kiradi. — Fan va turmush.
- Qanoat yoʻq yerda muruvvat yoʻq, muruvvat yoʻq yerda imon yoʻq. — Saʼdulla Siyoyev — Yorugʻlik.
- — Bu siringizni mendan yashirmoqchi boʻlasiz, — dedi tamom qanoat bilan Hasanali, chunki endi oʻz kashfiga juda ishongan edi. — Abdulla Qodiriy — Oʻtkan kunlar
- Ovqat ustida boshini egib, oldiga surib qoʻyishganiga qanoat qilardi. — Rahmat Fayziy — Hazrati inson.
- Nusratbekning qoʻshimcha daromad qidirmay, maoshga qanoat qilib yurganiga hali ham tushuna olmasdi. — Samar Nurov — Narvon.
- Zargarov qiyqirib kuldi, chapak chaldi va bunga ham qanoat qilmay, oʻrnidan turib oʻyinga tushdi. — Abdulla Qahhor — Ogʻriq tishlar.
- Lekin Ibn Sino bu qissani yozishda Qurʼonda keltirilgan naql bilan qanoat hosil qilmagan koʻrinadi. — Gazetadan
- Boyagi soʻzlarni tushida emas, oʻngida eshitganiga qanoat hosil qilgandan keyin soʻradi: — Siz Razzoqni bi-lasizmi, oʻgʻlim? — Hamid Gʻulom — Mashʼal.
- Istat bibining uxlab yotganiga qanoat hosil qilgach, hovli burchagidagi darchadan chorboqqa oʻtdi. — Saʼdulla Karomatov — Soʻnggi barxan
- Ovqat ustida boshini egib, oldiga surib qoʻyishganiga qanoat qilardi. — Rahmat Fayziy — Hazrati inson
Kelib chiqishi
قناعت — mamnunlik, boriga shukur qilish; qanoatlilik, kamsuqumlik
Manba: Vikilug‘at
Ko‘rilgan: 0