Izohli lug‘at

qat’iy

қатъий

Ma’nolari

. Uzil-kesil belgilab qoʻyilgan, oʻzgarmaydigan; mustahkam, barqaror.
. Qayta koʻrish, oʻzgartirish, shart, pisanda, eʼtiroz va shu kabilarga yoʻl qoʻymaydigan; uzil-kesil.
. Mustahkam, shak-shubhasiz, qattiq.
. Astoydil, jiddiy, qattiq.

Qatʼiy baholar. Qatʼiy reja. Qatiy muddat.
U yerda batalyon komandiri bilan birga qatʼiy jadval asosida mashgʻulot oʻtkazadilar. — Shuhrat — Shinelli yillar.
Binokorlik ishlarini shunday yoʻlga qoʻyamizki, gʻoʻza parvarishiga sira xalal bermaydi. Faqat qatʼiy tartib oʻrnatishimiz kerak. — R. Fayziy — Choʻlga bahor keldi.
Qatʼiy javob. Qatiy fikr. Qatʼiy qaror.
Qurʼoni sharif mayni makruh deb qatiy taqiqlagan. — P. Qodirov — Yulduzli tunlar.
Suv isrofgarchiligiga, sugʻorishni sifatsiz oʻtkazishga qatʼiy barham berish kerak. — Gazetadan.
Qatʼiy vaʼda. Qatʼiy rioya qilmoq. Qatʼiy ishonch.
Men seni gʻoliblar qoʻlida koʻrib, Ozod kelajakka qatʼiy ishondim. — Uygʻun.
Haydar oʻz fikrida qatʼiy turib oldi. — Sh. Rashidov — Qudratli toʻlqin.
U qatʼiy tovush bilan intizom haqida gapirdi. — Oybek — Quyosh qoraymas.
Qutidorning bu soʻzi juda ham qatʼiy edi. — A. Qodiriy — Oʻtgan kunlar.
..suvsiz yotgan yer borki, hammasini oʻzlashtirishga qatʼiy bel bogʻlaganmiz. — "Oʻzbekiston qoʻriqlari".
Xoʻjayev rais kabinetidan rangi oʻchgan holda chiqdi. Ammo haqiqatdan koʻz yuma olmasligini qatʼiy turib aytdi. — "Mushtum".

arab. قَطْعِيّ — uzil-kesil, eng oxirgi; toʻla, toʻliq

Manba: Vikilug‘at

Ko‘rilgan: 0