qavm

Ma’nolari

1. . Bir avloddan tarqalgan, oʻzaro qarindoshlik munosabatlari bilan bogʻlangan kishilar birlashmasi; urugʻ, aymoq, qabila.
2. . Bir masjidda ibodat qiluvchi kishilar, bir masjidning namozxonlari va ularning har biri.
3. . (3-shaxs egalik va oʻ.-p. k. shaklida — qavmida) "Qatorida" maʼnosini bildiradi.

Misollar

• Garchi sizning qipchoq qavmiga mansubiyatingiz boʻlsa ham, Musulmonqulni haydashda bizga unutilmaslik xizmatlar qildingiz. — A. Qodiriy — Oʻtgan kunlar.
• Jilovxonada namoz kutib oʻtirgan qavmlar ichida Samad boʻqoq, Shukur soʻfilar ham koʻrinar edilar. — A. Qodiriy — Mehrobdan chayon.
• … xatna toʻyiga yetti machit qavmini taklif qilgan boʻlsa, mahalla uchun jonkuyar Mahkamboy terisiga sigʻmay qolardi. — M. Osim — Tilsiz guvoh.
• Menga-ku janoza oʻqiydiganlar topiladi. Ammo senlar toʻngʻiz qavmida ketasanlar. — B. Rahmonov — Mardlar qissasi.
• Zokir temirchi gʻoziyning qilichidan oʻlgan, shuning uchun ham u kofir qavmida ketgan emish. — S. Anorboyev — Oqsoy.

Kelib chiqishi

arab. – xalq, millat; kishilar toʻdasi, guruhi

Manba: Vikilug‘at