Izohli lug‘at
qayta
қайта
Ma’nolari
- Yangidan, boshqatdan, yana (avval mavjud boʻlgan harakat, holatning davomi, yangidan yuz berishi maʼnosida).
- Takror holda, takroran, yana.
- Avvalgisidan farqli holda, maʼlum oʻzgarishlar bilan; boshqatdan.
- (snq. sonlar bilan) Marta, karra.
- ayn. qaytaga.
- Qayta ishlash
- ) ishlab, tuzatish, oʻzgartishlar kiritish, shu maqsadda ishlov berish.
- Qayta qurish
- ) maʼlum oʻzgartishlar kiritib, qaytadan qurish.
Misollar
- — Saodatxon endigina yopgan zontini qayta ochdi. — S. Zunnunova — Yangi direktor.
- Muyassar qabristondagi boyoʻgʻlining vahimali "huv-huv"lashidan uygʻonib ketdi-da, qayta uxlay olmadi. — O. Yoqubov — Er boshiga ish tushsa.
- Lolalar bir oz urinqiragan, ammo vazadagi suv unga qayta hayot baxsh etgan edi. — Guldasta.
- Gʻafur Gʻulom bilan bir koʻrishganimcha, qayta uchrashishga jurʼat qilolmay yurardim. — Shukrullo — Javohirlar sandigʻi.
- Temirjon ketishni ham, qayta qoʻngʻiroq tugmasini bosishni ham bilmasdi. — J. Abdullaxonov — Oriyat.
- Navoiy bu binoni qayta ishlatgan: birinchi marotaba sharq naqqoshligiga xos rang-barang naqshin gullar bilan bezatgan. — Mirmuhsin — Meʼmor.
- ..karnizi faqat toʻrt enlik chiqarilganligi uchun yomgʻir-chochin devor suvoqlarini yuvib ketadi, deb tomini qayta yopar emishmiz. — Mushtum.
- Koridorlar, fan kabinetlari yuksak did bilan qayta jihozlandi. — Gazetadan.
- Pulni ikki qayta sanamoq. v
- U choqlarning lazzatini shunda yana bir qayta yalagandek, lablari titradi, yuragi urdi. — Oybek — Tanlangan asarlar.
- Otabek toʻgʻrisidagi tashvish boyagidan oʻn qayta ortgan edi. — A. Qodiriy — Oʻtgan kunlar.
- Qayta biznikiga bora qolaylik. v
- Kutilgan payt keldi. Lekin yomgʻir va shamol boʻlgani qayta yaxshi boʻldi. — P. Tursun — Oʻqituvchi.
- Gapiring, izza qiling. Bolalar maktabda oʻqib, qayta bevosh boʻlib ketyapti. — A. Qahhor — Asarlar.
- Asarni qayta ishlash. Maqolani qayta ishlash. v
- Oʻgirish ishida kinostudiyaning montaj, ovoz, filmni qayta ishlash hamda murakkab sʼyomka sexlari faoliyat koʻrsatadi. — Gʻ. Salomov — Tarjima nazariyasiga kirish
- Binoni qayta qurish
Manba: Vikilug‘at
Ko‘rilgan: 0