qazo

Ma’nolari

1. Oʻlim; vafot; oʻlish, vafot etish; oʻlim soati, ajal.
2. Qazo qilmoq 1) oʻlmoq, vafot etmoq.
3. Qazovu qadar arab. – taqdir taqozosi bilan, tasodifan; Taqdir, qismat.

Misollar

• Qazosi yetdi.
• Jon bor yerda qazo bor. — Maqol.
• Kunim bitib, qazoyim yaqinlashib qoldi shekilli.. — Oybek — Ulugʻ yoʻl.
• Zagʻchakoʻz.. Qamishkapadagi har bir voqeadan bexabar qolmas, toʻy yoki qazoga darrov yetib kelar edi. — P. Tursun — Oʻqituvchi.
• Xudoga topshirdim, Kumush, qazoim yetib, koʻrolmay oʻlsam, mendan rozi boʻl. — Qodiriy — Oʻtgan kunlar.
• Oradan ikki yil oʻtgach, onasi qazo qildi. — J. Abdullaxonov — Xonadon.; 2) vaqtida ijro qilmay oʻtkazib yubormoq, vaqtida bajarmay, ijro qilmay qoldirmoq.
• Elmurod birinchi kuni besh vaqt namozni tugal oʻqidi. Ikkinchi kuni uchtasini oʻqib, ikkitasini qazo qildi. — P. Tursun — Oʻqituvchi.
• Jonivorlarning bir joyda muqim turganini kamdan-kam odam koʻrgan, doimo tipirchilab yurishadi. Qazoyu qadar ularning gavdasiniyam shunga munosib yaratgan. — Sh. Boʻtayev — Qoʻrgʻonlangan oy.

Kelib chiqishi

arab. – qazo - huquqshunoslik, sud ishlari; qozixona; ijro, hukm; taqdir, qismat

Manba: Vikilug‘at