qiyiq

Ma’nolari

1. Mato, qogʻoz va shu kabidan odatda uchburchak shaklda qiyib olingan parcha yoki ortib qolgan qiyindi, qiyqim.
2. Bir tomoni baland, bir tomoni past; qiya, qiygʻoch, qiyshiq.
3. Qisiq yoki suzuk; qisilgan yoki suzilgan, qiygʻoch (koʻz haqida).
4. Gapga koʻnmaydigan, tutgan yerini kesadigan; oʻjar, qaysar.
5. Kamchilik, nuqson, xato.
6. Qiyiq gap Boʻlmagʻur, teskari, qingʻir gap.

Misollar

• Qogʻoz qiyiqlari.
• Deraza oynalariga turli shaklda qiyiq qogʻozlar yopishtirilgan. — Oybek — Quyosh qoraymas
• Yigʻilgan pullarni yaktagining qiyiq choʻntagiga solib, xayrlashib joʻnadi. — Habib Nuʼmon va Ahmad Shorahmedov — Ota
• [Kumush] Ayvon ustuniga suyangach, qora qiyiq qoshlarini chimirib, koʻcha yoʻlak tomonga qaradi. — Abdulla Qodiriy — Oʻtgan kunlar
• Chorbogʻning qoq oʻrtasiga qurilgan baland shiypon zinalaridan oʻrta yoshli, miqtidan kelgan, qiyiq koʻzli bir kishi tushib kelayotgan edi. — Mirkarim Osim — Oʻtror
• Qiyiq bola.
• Mulla Ikrom qiyiq odam boʻlganidanmi yoki kasbi shuni lozim koʻrganidanmi, murosaga unamadi. — Oybek — Tanlangan asarlar
• Qiyigʻimni bogʻlamadi - qiyiq ekan, Boqsam - koʻzi shoʻxu qoshi quyuq ekan. — Turob Toʻla
• Agapovning seni mensimay piching qilib, gapingdan qiyiq topib oʻtirishi bejiz boʻlmasa kerak. — I. Rahim — Ixlos
• Uning har bir ishi-dan qiyiq topishga urinar edi. — R. Azizxoʻjayev — Yashil chayla
• Garchi koʻngliga qiyiq gap kelmagan boʻlsa hamki, shunday yosh juvonda oʻqish oʻzi uchun gʻayritabiiydek koʻrinar edi. — M. Ismoiliy — Fargʻona tong otguncha Qildan qiyiq axtarmoq (yoki topmoq) Toʻgʻri gapdan, ishdan xatolik izlamoq; yoʻq joydan kamchilik topishga harakat qilmoq yoki topmoq.
• Har qaysimiz bitta odam-cha oʻlib-tirilayotgan boʻlsag-u, qildan qiyiq axtarib, zvenomizni toshbaqa qilib, gaze-taga chiqarishsa. — H. Nuʼmon — Fasllar

Manba: Vikilug‘at