qolip

Ma’nolari

1. Tikiladigan poyabzalning ichiga qoʻyiladigan va uning katta-kichikligini, shaklini belgilaydigan moslama.
2. Amaliy sanʼatda: bezak naqshni qoʻyib (tortib), bosib yasash uchun ishlatiladigan maxsus shakldagi moslama; andaza.
3. maxs. Quyma detal yoki mahsulotga shakl beradigan moslama.
4. Andaza, shablon.
5. Had, chegara, meʼyor.
6. Gʻisht qolip(i)dan koʻchdi

Misollar

• Yogʻoch qolip. Qirqinchi qolip. Etikni qolipga tortmoq.
• Uning.. katta boshida xuddi qolipga tortilgan mahsiday tarang turgan chust doʻppisi ham bor edi. — P. Tursun — Oʻqituvchi.
• G'isht qolipi. Sovun qolipi. Qozon qolipi. Qolipga detal quymoq.
• Ayvonda sovunlarning qolipiday qotib qolgan oʻrtoq Mehmonov bu soʻzlarni eshitar ekan, qoʻlini paxsa qilib, xotiniga oʻkira ketdi. — S. Abdulla — Obroʻyim toʻkiladi.
• Bir qolipdagi gap. Bir qolipda qurilgan imoratlar.
• Ochigʻini aytsam, ularni bir qolipda ishlashdan chekinishga majbur qilishgacha borib yetdik. — Gazetadan.
• Sinfda bordir bir xil Erkatoy, haddan oshgan, Shoʻxligi suyuqlashib, Qolipdan oshib-toshgan. — H. Nazir.
• Odam taqdirini hal qilish uchun sizning qolipdan chiqqan savolingiz torlik qiladi. — A. Muxtor — Tugʻilish.

Kelib chiqishi

[ arab. - andaza; qolip; quy-ma shakl ]

Manba: Vikilug‘at