rahm

Ma’nolari

1. Ayanch yoki mushkul ahvoldagi kimsaga, narsaga nisbatan achinish tuygʻusi va shunday tuygʻu taʼsirida koʻrsatilgan shafqat, marhamat.
2. Rahm qilmoq 1) shafqat qilmoq, marhamat qilmoq.
3. Rahmi kelmoq Achinish hissi paydo boʻlmoq, achinmoq; ayamoq; yordam bergisi kelmoq.
4. Rahmini keltirmoq Kimsada achinish, ayash hissini tugʻdirmoq, paydo qilmoq.

Misollar

• Sizni ogʻzi qon boʻri dedim, chunki sizda rahm yoʻq. — A. Qodiriy — Oʻtgan kunlar.
• Bir kun undan qittay rahm tilagan ayollarimizni qoʻndoq bilan savab baqirdi.. — Oybek — Quyosh qoraymas.
• [Oyisha begim Boburga:] Samarqand sizga jangsiz darvoza ochmas, endi oʻzingizga rahm qiling. Urushga bormang, oʻtinaman! — P. Qodirov — Yulduzli tunlar.
• Sizda odamiyat boʻlsa, bu gʻaribi notavonga rahm qilmaganingizda ham, anovi shoʻrlik bolalarning zoriga rahm qilishingiz kerak edi. — M. Ismoiliy — Fargʻona tong otguncha.; 2) ayamoq, achinmoq.
• Birov zulm qilsa, birov rahm qilar ekan, birov osh bersa, birov non berar ekan. — Oydin — Sadagʻang boʻlay, komandir.
• Yalang boshidan qon oqayotgan, yirtilgan koʻylagi orasidan momataloq badani koʻrinib turgan, oʻzi choʻkka tushib, odamlardan shafqat soʻrayotgan yigirma yoshlardagi yigitga Tohirning rahmi keldi. — P. Qodirov — Yulduzli tunlar.
• Xotin kishining koʻz yoshi shirin boʻladi. Yodgorning rahmi keldi. Xotinini ovutdi. — Oʻ. Hoshimov — Qalbingga quloq sol.
• Bashirjon odamning rahmini keltirar darajada yupun, odmigina kiyinib, Shamsi Toʻrayevichnikiga yoʻl oldi. — N. Aminov — Suvarak.

Kelib chiqishi

arab. – shafqat, marhamat; achinish; mehribonlik, mehr

Manba: Vikilug‘at