shaloq

Ma’nolari

1. Qismlari eskirib, boʻshashib, futurdan ketgan; buzuq.
2. Holdan toygan, charchagan; ezilgan.
3. Axloqi buzuq, bezori.
4. Axloq doirasidan tashqari; axloqsiz, uyatli, buzuq.
5. Shalogʻi chiqqan shaloq 1.
6. Ogʻzi shaloq Uyatli, behayo iboralarni tilga oladigan; tap tortmay soʻkinaveradigan.
7. Ogʻzini shaloq qilmoq Shaloq soʻzlarni aytmoq, uyat, behayo soʻzlar bilan soʻkinmoq.

Misollar

• Shaloq arava. Shaloq mashina.
• Chiroqni topdi, uni yoqib, kichkina shaloq xontaxta ustiga qoʻydi. — Oybek — Ulugʻ yoʻl.
• Aʼzoyi badanim goʻyo birov kaltaklab tashlagandek shaloq. — "Mushtum".
• Shaloq odam. Shaloq xotin.
• -Xafa boʻlmang, singlim, — yupatdi mudira. — Unaqa shaloq erning boridan yoʻgʻi! — S. Anorboyev — Mehr.
• Boqi aka eng shaloq soʻzlar bilan soʻkingancha, Haydarga tashlandi. — A. Koʻchimov — Halqa.
• Bir toʻda odamlar bir dasta aksiyani changallaganlaricha, u yoq-bu yoqqa chopishar.. bir-birlarini shaloq gaplar bilan soʻkishar, ovozlari boʻgʻilguncha baqirishardi. — Yo. Xaimov, M. Rahmonov — Hayot-mamot.
• U bolaligidan boshlab shaloq yurishlar haqida koʻp eshitgan.. — P. Qodirov — Uch ildiz.
• Shalogʻi chiqqan etik.
• -Redaktor shalogʻi chiqib ketgan eski "Moskvich"ini beradigan, men kallayi saharlab Jarquduqqa joʻnaydigan boʻldim, — dedi Uchqun. — O. Yoqubov — Bir felyeton qissasi.
• Uning ogʻzi shunaqa shaloq, bodi kirib, shodi chiqaveradi. — O. Husanov — Toshga suv sepsang.
• Lekin narigisi kassadan kelgandan beri ogʻzini shaloq qilib soʻkingani-soʻkingan. — A. Muxtor — Tugʻilish.

Manba: Vikilug‘at