shiddat

Ma’nolari

1. Harakatdagi narsalarning, hodisalarning intensiv kuchi, yuqori kuch va surʼat.
2. Zoʻr gʻayrat, shijoat.

Misollar

• Shamol shiddati. Yomgʻir shiddati pasaydi. Shiddat bilan hujum boshlamoq.
• Terim shiddati zoʻraygandan zoʻrayib bormoqda. — Gazetadan.
• Nabijon qiz tovushining shiddatidan taajjublanib.. uning koʻzlariga qaradi. — H. Gʻulom — Zamin yulduzlari.
• Shernazarboyning shiddati zoʻrayib, qalʼani battarroq toʻpga tuttirdi. — J. Sharipov — Xorazm.
• Tomlarda, daraxtlarda qor ancha qalinlashgan. Yana shiddat bilan yogʻishda davom etadi. — Oybek — Tanlangan asarlar.
• Kun oʻtdi, kun ketidan kun keldi, lekin togʻ qazuvchilar shiddati zarracha ham boʻshashmadi. — M. Ismoiliy — Fargʻona tong otguncha.
• Chu! — deb shiddat beradi Gʻirkoʻk tulpor otiga. Hay attang, deb mard Hasan Shart uradi soniga. — "Ravshan".

Kelib chiqishi

arab. – kuch, qudrat; gʻayrat; qatʼiylik; balo, ofat

Manba: Vikilug‘at