singimoq

Ma’nolari

1. Shimilmoq, shimilib yoki sizib, ichki qatlamga, qismiga oʻtmoq.
2. Qumga singib ketganday yoki qumga sin-gigan suvday 1) bekorga, behuda, foydasiz, nafsiz.
3. Hazm boʻlmoq, oʻzlashmoq (ovqat, oziq haqida).
4. Yutilmoq, shimilmoq.
5. Bagʻriga, qoʻyniga kirib yoki rangiga, tusiga oʻzlashib ketmoq yoxud bir-dek boʻlib, izsiz yoʻqolmoq.
6. Oʻrnashib qolmoq, jo boʻlmoq.
7. Yoʻqolmoq, yoʻq boʻlmoq; yoʻq boʻ-lib, xotiraga aylanib qolmoq.
8. Singib pishgan non Qizarib, magʻzigacha yaxshi pishgan non.

Misollar

• Moy boʻyoq taxtaga yaxshigina singiydi. n
• Ular: "Yer toʻymaguncha, el toʻymas, lalmikor qirlarning tuprogʻiga qor suvi singimagun-cha, bugʻdoy unmaydi", deb nolir edilar. — P. Tursun — Oʻqituvchi.
• Shuncha bergan taʼlimlarim qumga singigan suvday singib ketaveribdi-da. — "Latifalar"; 2) jimjit — unsiz, shovqin-siz, suv quyganday.
• Kombat shaharda mudo-faa tutishga buyruq berdi. Dushman qumga singib ketganday jim edi. — A. Ubaydullayev — Qonli izdan.
• -Uch tutam holva, uch tanga pul, — dedi.. yigitcha. — Agar hammasini yesangiz, osh boʻlsin, singisin. — S. Ayniy — Esdaliklar.
• Vaqtida ovqatlanmaslik meda shilliq qavatini yalligʻlantiradi.. natijada kishi qayt qiladi, yegan oyeqati singimaydi. — Gazetadan.
• Yorugʻlikning jismga singishi.
• Otabek sunbul isli sochlardan ruh olar, Kumush goʻyo uning bagʻriga singib ketgan edi. — A. Qodiriy — Oʻt-gan kunlar.
• Ularning bir-biriga monand gavdasi chiroqlar nurini kesib oʻtib, qo-rongʻilik qoʻyniga singib ketdi. — Oʻ. Hoshimov — Qalbingga quloq sol.
• Qishloq muhiti, ota-onaning oʻta oq koʻngil-lik ruhida bergan tarbiyasi Iigitalining qon-qoniga singib ketgandi. — D. Nuriy — Osmon ustuni.
• Bu odam mahalla hayotiga, har bir kishining diliga kirib, shu qadar singib ketgan ediki, otpuskaga yo komandirovkaga ketsa, butun mahalla huvillab qolganday boʻlardi. — A. Qahhor — Asarlar.
• Pishib yotgan bogʻlarga boqdim, Hislarimga singib kirdi kuz. — X. Davron.
• Yillar qaʼ-riga singib ketgan bolalik, olisda sudralib yurgan bulut parchalaridek, koʻz oʻngidan oʻta-veradi. — S. Ahmad — Hukm.
• Umid dasturxonustidagi novvotu pashmak, qaymogʻu asal, tandirda singib pishgan nonlarni koʻrib taʼsirlandi. — Mirmuhsin — Umid.

Manba: Vikilug‘at