soat

Ma’nolari

1. Sutkaning yigirma toʻrtdan bir ulushiga teng vaqt va shu muddatni koʻrsatuvchi vaqt oʻlchovi.
2. Tush paytidan yoki yarim kechadan boshlab shu oʻlchovda hisoblanadigan vaqt oraligʻi; payt.
3. Vaqtni sutka davomida shu oʻlchovda oʻlchaydigan asbob.
4. Oʻquv mashgʻuloti uchun belgilangan 40 minutli yoki 45 minutli vaqt, dars.
5. Umuman, vaqt, fursat, payt, on.
6. Maʼlum maqsad uchun belgilangan, xos vaqt.
7. Soat (erkaklar ismi).

Misollar

• Bir soat — oltmish minut. Oradan uch soat oʻtdi.
• Otabek Margʻilonga har nimadir bir soat ilgariroq yetish uchun oshiqar edi. — A. Qodiriy — Oʻtgan kunlar
• Ellik qadamcha yoʻlni, nazarimda, bir soatda bosganday boʻldim. — S. Siyoyev — Yorugʻlik
• Qutidor, odatiga qarshi, bozordan kunduz soat uchlarda qaytib keldi-da, Otabekni soʻradi.. — A. Qodiriy — Oʻtgan kunlar.
• Majlis ponna-poca soat birda boshlandi. — Oʻ. Hoshimov — Qalbingga quloq sol.
• [Hasanali] Uxlamay kutib oʻtirdi. Ammo [Otabek] tungi soat oʻn bir boʻlsa ham kelmas, oʻn ikkida ham daraksiz edi. — A. Qodiriy — Oʻtgan kunlar.
• Solih ish vaqti tugashiga ikki soat qolganda narsalarini yigʻishtirdi. — O. Moʻminov — Xiyobondagi uch uchrashuv.
• Oltin soat. Choʻntak soat. Devor(iy) soat. yaya Charm kamzulli yigit yon choʻntagidan zanjirli soatini oldi, qopqogʻini qirs etkizib ochdi. S. — Siyoyev — Yorugʻlik.
• Vrach Mamlakatning tomir urishini soatiga qarab oʻlchadi. Oʻ. — Usmonov — Sirli sohil
• Oʻzbek tili uchun haftada toʻrt soat ajratilgan.
• Bir oʻquvchining bir soat dars qoldirishi hamuning bilimiga taʼsir qiladi. — Gazetadan — —
• Tole soatini kutmoqdan oʻzga ilojimiz yoʻq [dedi podshoh Navoiyga]. — Oybek — Navoiy.
• Bu kungi kech Otabek bilan Homidning qaysi birlarining soʻng soatlari yetganligi shu qorongʻi tun kabi qorongʻi edi. — A. Qodiriy — Oʻtgan kunlar
• Meʼmor boʻlsa ikki shogirdning sap quyushqondan chiqib, taltayishayotganidan ensasi qotib kelardi: koni shundok yaxshi soatlarda uning yonida oʻgʻli Nizomiddin ham boʻlsa! — Mirmuhsin — Meʼmor
• Qabul soatlari. Ish soati. yaya Urdaga aloqasi boʻlmagan kishilar boqqa kirolmaslar, fakat haftada bir kun koʻngil ochish soatlarida, baʼzi mustasno zotlar uchun bogʻning yoʻli ochiq boʻlar edi. — A. Qodiriy — Mehrobdan chayon

Kelib chiqishi

a. سَاعَة — aniq bir vaqt, lahza; 60 daqiqali vaqt

Manba: Vikilug‘at