tavakkal

Ma’nolari

1. . Oqibat-natija qanday boʻlishidan qatʼi nazar, biror ishga jazm qilish, nima boʻlsa boʻlar, yo ostidan, yo ustidan zaylida qilingan harakat.
2. . Oʻzini Alloh irodasiga topshirish, butun umidni unga bogʻlash, uning marhamatiga ishonish.
3. . Tavakkalchilik bilan ish tutishni bildiruvchi, shunday hollarda qoʻllanuvchi soʻz.
4. Tavakkal qilmoq Tavakkal tarzida ish qilmoq, biror ishga jazm etmoq.

Misollar

• Yoʻq, oʻrtoq Nizomov, biz tavakkal qilolmaymiz. Tavakkalning tubi tosh, boshingni ursang — yoriladi. — Shuhrat — Shinelli yillar.
• Baʼzan joni halqumiga kelib, oʻzini nimalarga urmadi, necha marta qaltis tavakkallarga bordi, necha marta pachagʻi chiqib, yana tiklanib oldi. — A. Muxtor — Opa-singillar.
• Koʻrgilikdan, tavakkaldan, taqdirdan voz kechib, xalq real narsalarga ahamiyat beradigan boʻldi. — Oybek — Nur qidirib.
• Biridan qochsang, boshqasiga tutilasan. Undan koʻra qochmaymiz! Tavakkal. Peshonaga bitgani boʻlur. — P. Qodirov — Yulduzli tunlar.
• Unga tashlanib, qutichani olib qoʻysammikan? Kuchim yetarmikan?! Tavakkal! — O. Moʻminov — Xiyobondagi uch uchrashuv.
• Inson kodami kamdan-kam tegadigan bu yovvoyi vodiyda tavakkal qilib yoʻl bosishdan boʻlak iloj qolmadi. — S. Karomatov — Oltin qum.
• Sobir biron marta hamsuhbat boʻlmagan.. Odil buvaga, tavakkal qilib, yurak dardini ochishga jazm qildi. — R. Fayziy — Choʻlga bahor keldi.

Kelib chiqishi

arab. – vakolat olish; umid bogʻlash; suyanish, ishonish

Manba: Vikilug‘at