teskari

Ma’nolari

1. Odatdagi, oʻng, toʻgʻri deb qabul qilingan holatga, yoʻnalish, tuzilish, tartib va shu kabilarga qarama-qarshi boʻlgan; ters.
2. Qarama-qarshi tomon, oʻng boʻlgan tomonga qarshi, ters.
3. Qarama-qarshi, xilof, zid.
4. Axloq-odob. ish-faoliyat va shu kabilarda oʻzaro zid, bir-birining aksi boʻlgan, bir-biri bilan kelishmaydigan holatli.
5. Biror narsaning orqa tomoni, orqasi, astari.
6. Bir-biri bilan gaplashmaydigan, arazlashgan.
7. Ishi teskari ketdi Ishi yurishmay qoldi, ishi orqaga ketdi, pachava boʻldi. Teskari dunyo Bevafo, oʻzgarib turuvchi dunyo.

Misollar

• Teskari ish. Boʻluvga teskari amal — koʻpaytiruv. Kepkani teskari kiymoq. Kitobni teskari ushlamoq. Stulga teskari oʻtirmoq. Soʻzni teskari oʻqimoq. Suv teskari oqmaydi. Qoʻlimga tushganida, yuziga kuya surib, eshakka teskari mindirar edim-u, bozorning oʻrtasi bilan haydab, toʻppa-toʻgʻri qozining huzuriga olib borar edim. — P. Tursun — Oʻqituvchi.
• Boʻta, quruq choyni nonsiz issiq-issiq hoʻplab, choynakning qopqogʻini teskari yopib, ichiga ikkita oʻn tiyinlikni tashlab, oʻrnidan turdi. — S. Axmad — Hukm.
• Uzoq oʻylab turmay, bu kungi Tiktepaning guzarga teskari tomonidan oʻzi uchun bir "boshpanoh" ochish qaroriga keladi. — A. Qodiriy — Obid ketmon.
• Men qayoqqa boshlasam, mehmon yurmaydi, teskari tomonga yoʻl oladi. — "Guldasta".
• Agar bironta ish uning \Xushroʻyning\ tilagiga teskari ketsa, shovqin-suronni xuddi boshiga kiyib olar edi. — A. Qodiriy — Oʻtgan kunlar.
• Kishi koʻrinishda va muomalada bir xil, haqiqatda, ichki jihatdan tamom teskari boʻlibqolishi mumkin. — P. Tursun — Oʻqituvchi.
• Shayxulislomning Ulugʻbek mirzoga ochiqdan-ochiq teskari boʻlib olganini koʻrgan Tarxon yoqasini ushladi.. — Mirmuhsin — Meʼmor.
• Gazlamaning teskarisi. Koʻrpaning teskarisi. n
• Bitta kulchani kaftiga teskari qoʻyib turib, mushti bilan oʻrtasiga urdi.. — H. Gʻulom — Mashʼal.
• Ular bir-birlari bilan teskari boʻlib qolishdi. m
• Olti oydan beri yuz koʻrishmagan qaynata-kuyov birga ishlashyapti-ya? Bir hisobdan yaxshi boʻpti. Tokaygacha teskari boʻlib yurishadi. — R. Rahmon — Mehr koʻzda.
• Qanday qilay, shunday teskari dunyo ekan. — Gʻ. Gʻulom — Tirilgan murda. Toʻnini teskari kiymoq q. toʻn. (Xudo) Yuzini teskari qilsin Xudo koʻrsatmasin, unga duchor yoki giriftor qilmasin.
• Yomonning yuzini teskari qshkin.

Manba: Vikilug‘at