til

Ma’nolari

1. Ogʻiz boʻshligʻida joylashgan, taʼm-maza bilish, ogʻizga ovqat olish, yalash lar uchun xizmat qiladigan muskulli aʼzo.
2. Asbob, mexanizm va shu kabilarning osilib, qimirlab turadigan qismi.
3. Tigʻga oʻxshash, uchli narsa.

Misollar

• Issiqdan itning tili osilgan.
• Aytsam, tilim kuyadi, aytmasam - dilim. — Maqol
• Oʻlguday taxir ekan, tilimni yorguday, ogʻzimni kuydirguday boʻldi. — Mirzakalon Ismoiliy — Fargʻona tong otguncha
• Nihoyat, gapira-gapira qaqragan lablarini tili bilan yalab, Lutfiniso jim boʻldi. — Oybek — Tanlangan asarlar
• ..buzoqchalar boʻyinlarini choʻzib, unga [raisga] tillarini koʻrsatishdi. — "Mushtum"
• Soatning tili. Kompasning tili.
• Qoʻngʻiroqning tili.
• Shamol kuchayib, olovning tili yana ham uzunlashdi. — Said Ahmad — Ufq
• Tepaga koʻtarilgan quyosh oʻtli tili bilan yer bagʻridagi barcha namni soʻrib olardi. — Sharof Rashidov — Boʻrondan kuchli
• Quyosh haroratidan bahramand boʻlgan maysa, Qiyoq tillarin choʻzib, nurga qasida kuylar. — Gʻafur Gʻulom

Manba: Vikilug‘at