tirnoq

Ma’nolari

1. Barmoqlar uchining orqa tomonidagi etga yopishgan, barmoqlarni himoya qiluvchi, shoxsimon moddadan iborat tuzilma, qoplama.
2. Baʼzi hayvon va qushlarning panjasi yoki changalidagi uchi qayrilgan, oʻtkir, shox moddali oʻsimta.
3. Ot tuyogʻi.
4. Farzand, bola.
5. Baland simyogʻochlarga, machtalarga koʻtarilish uchun oyoq kiyimiga mahkam bogʻlab olinadigan tishli oʻroqsimon temir asbob.
6. qoʻshtirnoq.
7. Tirnogʻini oʻstirmaslik Birovning biri ikki boʻlishiga, oʻnglanishiga, boyishiga yoʻl qoʻymaslik. -
8. Tirnoqdan (yoki tirnoq orasidan, ostidan, tagidan) kir izlamoq (yoki axtarmoq, qidirmoq) Arzimagan yoki yoʻq narsadan kamchilik topib, birovni nohaq ayblashga, unga tuhmat qilishga urinmoq.
9. Tish-tirnog'igacha yoki tish-tirnogʻi bilan Oʻzi birikib kelgan soʻz bildirgan narsa, harakat-holatni kuchaytirish uchun xizmat qiladi.

Misollar

• Tirnoq oʻstirmoq. Tirnoqni qaychi bilan olmoq. yaya Maxsum oʻsiq tirnoqlarini Boboqulning boʻgʻziga botirishga chogʻlab, xezlanib kela boshladi. — S. Anorboyev — Oqsoy. Botirali tirnogʻi bilan stolni chertib oʻtirar, nima haqdadir oʻy oʻylardi. S. Ahmad, Hukm.
• Burgutning tirnogʻi. Mushukning tirnoqlari.
• Sherni sher qilgan — tishi bilan tirnogʻi. — R. Jumaniyozov — Soʻz koʻrki — maqol.
• Ot tirnogʻiga tekkan tosh Yongʻoqday ushalib ketdi. — — Nigor va Zamon.
• Ot tirnogʻidan chiqqan qumlar Qozonday ovdarilibyotdi. — — Gulixiromon.
• Tirnoq koʻrmoq. Tirnoqqa zor boʻlmoq. shj Obodon xola Safo ota bilan ellik yil birga turmush kechirdi. Ammo ularga tirnoq nasib etmadi. — R. Otayev — Siz nima deysiz?
• Gulnor bilan oʻn uch yil birga turib, tirnoq yuzini koʻrmadik. — Oydin — Ikki koʻzi shunda.
• [Akbaralini] Baʼzan kechalari ham chaqirib qolishsa, yoʻq demay, brezent shimini kiyib, shaldir-shuldir zanjirli "temir tirnoq"larini yelkasiga ilib chiqib ketardi. — A. Muxtor — Chinor.
• Oxirgi kolonkada, tirnoq ichida, "Tuzuk odamlarning bolalari" degan maqola boʻlib.. — P. Tursun — Oʻqituvchi.
• Siz ham xizmatchining tirnogʻini oʻstirmaydiganlardan ekansiz, — Yoʻldoshboy shunday dedi-yu, boyning betiga tik qaragancha turaverdi. — H. Nuʼmon va A. Shorahmedov — Ota.
• Sen tirnoq orasidan kir qidirmay qoʻya qol. — Sh. Rashidov — Boʻrondan kuchli.
• [Oʻktam:] Gap tashuvchi, tirnoqdan kir izlovchilarni, chaqim-chilarni men juda yomon koʻraman. — Oybek — O. v. shabadalar.
• Darrov tirnoq tagidan kir qidirasiz-a, Samadov? — P. Kodirov — Uch ildiz.
• Tish-tirnogʻigacha qurollanmoq.
• Man bir parcha boshpanamga tish-tirnogʻim bilan yopishganimdan hafsalasi pir boʻlayozgandi. — Oybek — Tanlangan asarlar.

Manba: Vikilug‘at