tobe

Ma’nolari

1. . Hokim qoʻl ostidagi, uning hukmida boʻlgan; qaram.
2. . Lavozim, mavqe va sh.k. jihatdan quyida boʻlgan, boʻysunuvchi.
3. . Shart-sharoit yoki muhit jihatidan boʻysungan, bogʻliq, aloqador.
4. Tobe qilmoq (yoki etmoq) Boʻysundirib, oʻz hukmi ostiga olmoq; boʻysundirmoq.

Misollar

• Tobe mustamlakalar.
• Qilichin boʻyniga solib, Shakarbekka tobe boʻldi. — "Shirin bilan Shakar".
• ..ukalari Suyurgʻatmish mirzo bilan Muhammad Joʻqiylarni kelgusida oʻziga tobe Movarounnahr hokimlari etib tayinlashni koʻzlardi. — Mirmuhsin — Meʼmor.
• Keyin sekin-asta darajasi yuqori kimsalar bilan gaplashib, tobe kishilarga qaramaydi.. — Mirmuhsin — Umid.
• Javlonbek yuragi hapqirib, seskangandek boʻldi, biroq, bu yerda sir boy berish oʻziga tobe odamlarni ham qoʻldan berish bilan barobar edi. — N. Fozilov — Diydor.
• Bu oilada yeyish-ichish belgili tartib ham rejaga tobe esada, har kun shirin-shirin ovqatlar tayyorlanadi. — Oybek — Tanlangan asarlar.
• Komilning ziyrak zehnida chaqnab qoladigan aql uchqunlari.. uni hayratda qoldirar, natijada shu yosh yigit uni oʻz irodasiga tobe qilib qoʻyar edi. — H. Gʻulom — Mashʼal.
• Amirak Ahmadni yoʻqotib, oʻrniga oʻz oʻgʻillaridan birini qoʻymoq, Fargʻona viloyatini tobe etmoq Shohrux saltanati mavqeini koʻtarishda gʻoyat muhim masala edi. — Mirmuhsin — Meʼmor..

Kelib chiqishi

arab. – kimsaga ergashuvchi; qaram, boʻysunuvchi; birovga qarashli

Manba: Vikilug‘at