vasvasa

Ma’nolari

1. . Odamda gʻayritabiiy xayollar, gʻoyalar paydo boʻlishi, fikrlash va faraz qilish faoliyatining buzilishi, shunday ruhiy holat.
2. . Kishini yoʻldan ozdiradigan gap, xatti-harakat, igʻvo va sh. k.
3. . Vahimali, gʻulgʻulaga soluvchi oʻy-fikr, xayollar, shunday oʻy-fikr, xayolli holat.
4. . vasvos.

Misollar

• Urush vasvasasi.
• Gʻulomjon sevgi vasvasasiga uchganini, shaʼniga yarashmagan qiliq qilganini endi angladi. — M. Ismoiliy — Fargʻona t.o.
• Odam vasvasaga tushsa, yomon boʻlarkan. — "Yoshlik".
• [Yusufbekhoji Otabekka] Qayin otangdan, meni quvladi, deb koʻngling olinmasin, chunki bu bechora ham bir shaytonning vasvasasi bilan bu xatoga tushgan. — A. Qodiriy — Oʻtgan kunlar.
• Ey ulugʻ shoh, bu yoʻldan qayt, shaytonning vasvasasiga uchma, keyin pushaymon boʻlib yurma.. — "Oltin beshik".
• Dilingizdagi vasvasalarni haydang.. — K. Yashin — Hamza.
• Doimo umidim bardam boʻlsa ham, Baʼzan vasvasalar bosar dilimni. — Gʻ. Gʻulom.
• Nega vasvasa deysan meni, Berdi?.. — I. Rahim — Ixlos.

Kelib chiqishi

arab. – toʻgʻri yoʻldan ozdirish; xavf-xatar, xavotir

Manba: Vikilug‘at