vatan

Ma’nolari

1. Kishining tugʻilib oʻsgan oʻlkasi, shahri yoki qishlogʻi; yurt, diyor.
2. Kishi tugʻilib oʻsgan va oʻzini uning fuqarosi hisoblagan mamlakat; ona yurt.
3. Turarjoy, boshpana, maskan, uy.
4. Oʻsimlik va sh. k. larning asli kelib chiq-qan yerini bildiradi.
5. Vatan qilmoq Yashash joyi qilib oʻrnash-moq.

Misollar

• Bulbul chamanni sevar, odam — vatanni. — Maqol. ■■ U
• [Bek-temir] uzoq vatani, ota-onasi, sermehnat, sertashvish, hammavaqt bolalarning qiy-chuvi bilan toʻlgan katta oilani.. eslardi. — Oybek — Quyosh qoraymas.
• Tugʻilgan vatanim — shu Oʻzbekiston.. — Fozil Yoʻldosh oʻgʻli.
• Ona vatan. Ulugʻ vatan. n Kishining qadri amali va unvoni bilan emas, vataniga, xalqiga qilgan xizmati bilan oʻlchanadi. — Shuhrat — Shinelli yillar.
• Yoshi yigirma beshni qoraladi. Lekin boshida na boʻyradek vatani bor, na jonida halovati. — S. Siyoyev — Avaz.
• Tiktepada turadigan vatani yoʻq, otasidan qolgan choldevor buzilib, yorilib ketgan. — A. Qodiriy — Obid ketmon.
• Uy limoni — rutagul-lilar oilasiga mansub, doim yashil subtropik oʻsimlik. Vatani — Xitoy, Yaponiya, Sharqiy Hindiston. — "Uy-roʻzgʻor ensiklopediyasi".
• Taqdir qshchgan joyga vatan qilamiz, Ajal yetgan joyda bir kun oʻlamiz. — "Yusuf va Ahmad".
• Andijondan Mirzachoʻlga kelib, choʻlni vatan qilgan, gʻoʻzani oʻz farzandi bil-gan Gʻanisher Yunusov nomini xalqimiz bir umr yodda saqlaydi. — "Oʻzbekiston qoʻriqlari".

Kelib chiqishi

a. j — tugʻilib oʻsgan joy, yurt

Manba: Vikilug‘at