yov

Ma’nolari

1. . Urush, jang holatidagi qarshi tomon, dushman, gʻanim.
2. . Qarama-qarshi maqsaddagi kishi; dushman, raqib.
3. Yov yeydimi Nimadan qoʻrqasan, qoʻrqma.
4. Yov chopdi Dushman bostirib kirib, qirgʻin qildi.
5. Yov qarash Jahl bilan, gʻazab bilan qarash.
6. Yov quvganday Juda tez, chopib, yugurib.
7. Tilsiz yov Oʻt, suv (xalq tilida).

Misollar

• Yov qochsa, botir koʻpayar. — Maqol.
• Yovni ayagan yara yer, kaltagini sara yer. — Maqol.
• Bir soat chamasi otishgandan soʻng, yov bizning oʻqimizga chidolmay, ikki darvoza orasida uch-toʻrt yuz oʻlik qoldirib, qochishga majbur boʻldi. — A. Qodiriy — Oʻtgan kunlar.
• Yomon yoʻldosh yov boʻladi, oxir ishi dov boʻladi. — Maqol.
• Qimor qizib, har kimsa bir-biriga yov. — Gʻayratiy.
• Boboqulning yettinchi otasi, qishloqqa yov chopganda, Oqsoy koʻprigining ostiga bekinib, jonini asrab qolgan ekan. — S. Anorboyev — Oqsoy.
• Eshon Dadashevga yov qarash qilib, eshikni taraqlatib chiqib ketdi. — I. Rahim — Taqdir.
• [Toʻgʻonbek] Xuddi yov quvganday, qattiq yurdi. — Oybek — Navoiy.
• Odamlar, yov quvganday, har tarafga tarqalishdi. — S. Siyoyev — Yorugʻlik.
• Tilsiz yov bizning mehnatlarni zoye ketkazmoqchi. — U. Ismoilov — Saylanma.

Manba: Vikilug‘at