zarur

Ma’nolari

1. Biror ish yoki ehtiyoj uchun kerak; kerakli, darkor.
2. Tez bajarilishi shart boʻlgan, kechiktirib boʻlmaydigan, muhim.
3. kesim vazifasida. Darkor, kerak.
4. Zarur kelibdimi Nima keragi bor, hech keragi yoʻq.

Misollar

• Zarur kitob. m
• Bir dehqonga pul zarur boʻlib qolib, koʻm-koʻk tosh noklarni bozorga olib chiqibdi. — Shukrullo — Javohirlar sandigʻi.
• Zarur masala. Bir zarur ish bilan shaharga bordim.
• Yosh boʻlsam-da, roʻzgʻor tebratish uchun ota-onamga koʻmak-lashmogʻim zarur edi. — N. Safarov — Jasorat-ning davomi.
• -Yoʻq, yoʻq, singlim, — yalindi Rahim Saidov. — Oʻtinaman, hozir bering. Juda ham zarur. Oʻ. — Umarbekov — Yoz yomgʻiri.
• Menga zarur kelibdimi ? Kindik qonim toʻkilgan joydan kechib-a? — H. Nazir — Yonar daryo. Nima zarur q. zarur kelibdimi.
• Oʻzimni oʻzim qiynab yurgan ekanman. Menga nima zarur ekan-a! Bilganini qilishsin. — S. Ahmad — Saylanma.
• Bizning koʻnglimizga qoʻl solish senga nima zarur?Oʻz ishingni bilsang-chi.. — P. Tursun — Oʻqituvchi.

Kelib chiqishi

a. — kerak, lozim

Manba: Vikilug‘at