Толковый словарь

baraka

барака

Значения

. Biror narsaning (asosan, nozu neʼmatlar, ekin hosili) kutilgan darajadan moʻlligi, serobligi.
Barakasi ketdi (yoki baraka koʻtarildi) Serobligi yoʻqoldi, moʻlligi barham topdi.
Xirmonga baraka! Xirmon koʻtarayotganlarga "hosil moʻl boʻlsin!" maʼnosida aytiladigan tilak.
Qoʻlida baraka yoʻq (yoki qoʻlining barakasi yoʻq) Tejab-tergab, oʻrinli sarf qila olmaydigan kishi haqida.
. Olloh beruvchi nasiba, neʼmat; ehson.
. Biror narsa yoki harakatdan keluvchi foyda, naf; samara, unum.
Baraka top (ko'r) "Kam boʻlma", "omadingni bersin" maʼnosida aytiladigan olqish, undov.
Bor baraka, bor baraka top, baraka de(ng), baraka qil(ing) Oldi-sotdi savdosida "soʻralayotgan narxga xoʻp deng" maʼnosida ishlatiladigan ibora.
Boriga baraka Boriga shukur, bori ham yetib qolar.
. Qoʻshaloq koʻsak va shunday koʻsakda ochilgan paxta; qoʻshaloq meva.

Baraka koʻtarildi.
Baraka yoʻqoldi.
Janjalli uyda baraka boʻlmas. — Maqol.
Gʻoʻza chilla suviga qonsagina, xirmonga baraka kiradi. — Gazetadan.
Bir kun janjal chiqqan uydan qirq kun baraka koʻtariladi. — Maqol.
-Xudo baraka bersin, teraveringlar! — deb fotiha berdi. — M. Ismoiliy — Fargʻona tong otguncha.
Xudo umringga, molingga baraka bersin. — Hamza.
Qaytgan molda baraka bor. — Maqol.
Yigʻlama, yigʻidan hech kim baraka topgan emas! — A. Qahhor — Ogʻriq tishlar.
Meni olib nima baraka topding? Nuqul gʻavgʻoga qolasan. — "Yoshlik".
Qani, ha, uka, "baraka de, barakade" lardan keyin yarim soatcha.. savdolashib, molni bir soʻm oʻn tiyinga sotdik. — G'. Gʻulom — Shum bola.
Qoʻlni bering, boring, baraka toping, olti yuz. — S. Nurov — Narvoy.
Boriga baraka, u yogʻini ogʻzaki boplayman. — A. Qahhor — Asarlar.
Etakka yopishgan toʻngʻiztaroqlarni yulib tashlab, "baraka" qidirishlari ham, gʻoʻzalar orqasiga yashirinib olgancha, qizlarga xom koʻrak otib shoʻxlik qilishlari ham — hamma-hammasida allanechuk quvnoq, zinhor-zinhor qaytib kelmas orzular bor edi. — O'.Hoshimov — Qalbingga quloq sol.

arab. – duo; rozilik, ijozat; ollohning marhamati

Источник: Викисловарь

Просмотров: 0