bokira

Ma’nolari

1. Er koʻrmagan, turmushga chiqmagan; iffatli.
2. Qoʻl tegmagan, kishi oyogʻi yetmagan.
3. ayn. bokir.

Misollar

• Bokira qiz.
• Hech qayoqqa ketmayman, menga osilmang, boʻlmasa, bir bokira jonning uvoliga qolasiz! — K. Yashin — Hamza.
• Senga shunday bokira jononlarni topib berayki, husnini koʻrib, aqling ogʻmasa — hisobmas. — J. Abdullaxonov — Toʻfon .
• Qudratli traktorlar choʻlning bokira bagʻrini ilk dafʼa yorib, agʻdarib, havoni gumburlatar edilar. Oybek, O. v. shabadalar.
• ..sirqirab yotibsiz toshlar oralab, bokira suvlarim, goʻzal suvlarim. — Sh. Rahmon — Gullayotgan tosh .
• Sen mening qorimsan, birinchi qorim, Goʻyo butun olam senday bokira. — A. Muxtor — Asarlar.
• Bahorning bokira tarovati ham Arslonovning koʻnglini ocholmadi. — „Sharq yulduzi“.
• ..shunda qizning butun borligʻi iztirobga tushib, bokira qalbida nimalar kechmaydi. — Gazetadan.
• Men sizni yaproqlar rangiga uyqash, Bokira muhabbat bilan sevaman. — X. Davron — Tungi bogʻlar.

Kelib chiqishi

arabcha — dastlabki meva; iffatli qiz bola.

Manba: Vikilug‘at