bulut

Ma’nolari

1. Osmonni butunlay qoplab olgan yoki uning u yer-bu yerida gʻuj boʻlib toʻplangan, quyuqlashgan suv bugʻlari.
2. Osmonni bulut kabi qoplab olgan har bir narsa.
3. Tahdid soluvchi yoki dilni qorongʻi qiluvchi har bir narsa, holat.
4. Bir turli dengiz jonivorining gʻovak, yumshoq tanasi (choʻmilishda badanni sovun bilan ishqash uchun ishlatiladi).

Misollar

• Oq bulut.
• Bahor bulutlari.
• Sukutda hikmat koʻp, Bulutda - himmat. — — Maqol
• Oʻtgan bulutdan yomgʻir kutma. — — Maqol
• Bulut ola - yer chala. — Maqol
• Bulutlar shamolga ergashib, togʻ tomon yoʻl oldi. — O‘tkir Hoshimov — Qalbingga quloq sol
• Koʻkni bulut qoplagan, milt etgan yulduz yoʻq edi. — I. Rahim — Chin muhabbatHavo (yoki osmon) bulut - osmonni bulut qoplagan, havoning avzoyi buzuq.
• Osmon bulut. Bironta yulduz koʻrinmaydi. — Oybek — Tanlangan asarlar
• Havo bulut. Odamlarning shoshib yugurishiga qaraganda, qormi, yomgʻirmi yogʻsa kerak. — E. Raimov — Ajab qishloq
• Ergash chang bulutini yorib, izvoshga yetib olishga shoshiladi. — Ibrohim Rahim — Chin muhabbat
• Avval ha.shgi tikroq qora bola, keyin boshqalari gʻoyib boʻldi, ular oʻynagan joy ustida anchagacha chang buluti turib qoldi. — Asqad Muxtor — Opa-singillar
• Boya, qiz ovozini eshitganda, qshgbida chaqnagan quyosh yuzini mana endi qora bulut bosdi. — Mirzakalon Ismoiliy — Fargʻona tong otguncha
• Har holda, Toshkent ustiga yana qonli bulutlar chiqdi, ishning oxiri nima bilan tinchlanar, bu bir Xudogagina ma’lumdir. — Abdulla Qodiriy — Oʻtgan kunlar

Manba: Vikilug‘at