diyda

Ma’nolari

1. koʻz 1. Boshi aylanib, koʻzi tindi.
2. Diydam ustiga;
3. Diydasi boʻsh; Koʻngli boʻsh, rahmdil; yigʻloqi.
4. Diydasi yumshamoq; Koʻngli boʻshamoq, rahmi kelmoq.
5. Diydasi qattiq; Koʻngli qattiq, berahm; koʻziga yosh kelmaydigan.
6. Diydasi qotmoq (yoki qotib qolmoq) 1) koʻraverib koʻnikib ketmoq, qoʻrqmaydigan boʻlib qolmoq.
7. Nuri diyda, nuridiyda 1) koʻz nuri; 2) sevikli farzand.
8. Obi diyda, obidiyda; Koʻz yoshi; koʻz yoshi toʻkish, yigʻi.

Misollar

• Toʻshakka behol choʻzildi. Diydasini yosh bosdi. — S. Siyoyev — Avaz.
• Yusuf bilan Ahmadbekning diydasi namlandi. — "Yusuf va Ahmad".
• Oʻng qoʻlidagi dastroʻmoli bilan diydasini artdi. — S. Karomatov — Soʻnggi barxan.
• Bosh ustiga, xush kelibsiz.
• Sizning bilan boʻlsin endi davronim, Diydamning ustiga, aziz mehmonim. — "Shirin bilan Shakar". —
• Qoʻygan qadamlaring diydam ustiga. — "Ravshan".
• Toʻgri, biz xotinlarning diydamiz boʻshroq boʻladi, baʼzan yigʻi yurakni boʻshatadi. — Shuhrat — Shinelli yillar.
• ..lekin Xalil boboning diydasi yumshamadi. — "Yoshlik".
• Men erkaklarning diydasi qattiq boʻladi, deb eshitar, oʻzim ham shunga ishonar edim. — M. Ismoiliy — Fargʻona t.o.
• Sen oʻzingni yetimcha qilib koʻrsatmay qoʻya qol, diydamiz qattiq, yigʻlatolmaysan. — A. Muxtor — Chinor.
• Rahmatli onasining diydasi qattiq emasdi. — "Yoshlik".
• Oʻshanda oʻlimni koʻraverib, diydasi qotib qolgan ekanmi.. — A. Muxtor — Opasingillar 2) yigʻlayverib koʻz yoshi qurib qolmoq.
• Yigʻlayverib, diydasi qotib ketdi. — S. Ahmad — Ufq. 3) mehrsiz boʻlib qolmoq, bezmoq.
• Bunday qosh-qovoq qilib, hadeb eringning jigʻiga tegaverma. Diydasi qotib, uyidan beziydi. — S. Nurov — Narvoy.
• Ona nuri diydasi va jigarporasi Normatni juda sogʻinganini.. yozgan edi. — I. Rahim — Chin muhabbat.
• Qoʻzichogʻim, alla, Nuri diydam, alla. — "Boychechak".
• Bu gapni kallangdan chiqar, sen menikisan, obi diydani yigʻishtir! — A. Muxtor — Asarlar.
• Alqissa, obidiyda qilib, padarga javob berdimki: ..nima qilsalar, sohibi ixtiyor oʻzlaridirlar". — A. Qodiriy — Kalvak mahzumning xotira daftaridan.

Kelib chiqishi

fors. — koʻz

Manba: Vikilug‘at