dona

Ma’nolari

1. . Sanoq sonlardan keyin kelib, miqdor bildiradi.
2. . Don, urugʻ.
3. . Sochiluvchan narsalarning har bir yumaloq boʻlagi, zarrasi.
4. . Zarralar, boʻlaklar, qismlardan tuzilgan narsaning har bir zarrasi, qismi.
5. . Shaxmat, shashka va sh. k. oʻyinlarda har bir sipoh, piyoda yoki toʻgarakcha.
6. . Choʻtning tugmasimon qismi.

Misollar

• Bir dona gugurt choʻpi. Besh dona tuxum. Bir dona koʻsak.
• Raʼno onasining soʻzi bilan qutidan besh-olti dona non olib, dadasining qoʻliga berdi. — A. Qodiriy — Mehrobdan chayon.
• Anor donasi. Makkajoʻxori donalari. Qoramugʻ donasi boʻlguncha, bugʻdoy-ning somoni boʻl. — Maqol.
• Bolam ning bolasi, qandak oʻrikning donasi. — Maqol.
• Anor donalaridek shirin soʻzlaring. — U. Ismoilov — Saylanma.
• Kum donalari. Munchoqdek ter donalari. Marvarid donshari. m
• Suluv sochlari toʻzgʻigan holatda yugurib kirib, yomgʻir donalari yumalab turgan yuzini otasining mayin yelkasiga bosdi. — A. Muxtor — Qoraqalpoq qissasi.
• Nos sochilib, uning bir necha donasi sakrab-sakrab, stol tagiga kirib ketdi. — A. Qahhor — Qoʻshchinor chiroqlari.
• Har qanday materiya alohida donalar yigʻindisidan tuziladi. — “Qiziqarli geometriya”.
• Mirzakarimboy.. tasbeh donalarini barmoqlari orasidan bitta-bitta oʻtkazib, chordona qurib oʻtirar edi. — Oybek — Tanlangan asarlar.
• Baʼzan raqibning ikki donasiga birdaniga hujum qilinadi. — "Fan va turmush".
• Biri gazeta oʻqisa, biri kitob varaqlar, biri shashka oʻynasa, biri shaxmat donasini surar edi. — J. Sharipov — Xorazm.
• Choʻt donalari shaqir-shuqur boʻlib qoldi. — "Mushtum".

Kelib chiqishi

arab. – don, gʻalla; -ta, nafar

Manba: Vikilug‘at