dushman

Ma’nolari

1. Dunyoqarashi, manfaatlari, xatti-harakati bir-biriga qarama-qarshi boʻlgan, oʻzaro gʻanim, raqib sifatidagi tomonlarning har biri.
2. harb. Urushda oʻzaro biri ikkinchisi bilan jang qiluvchi, bir-biriga qarshi urush eʼlon qilgan tomonlardan har biri; yov.
3. Insonga va umuman biror narsaga zarar keltiruvchi kimsa, narsa, hodisa.

Misollar

• Gʻoyaviy dushman. Doʻst achitib gapiradi, dushman — kuldirib. Maqol.
• Tikan zahri uchida, dushman zahri ichida. — Maqol.
• Dushmanning katta-kichigi boʻlmaydi. — Maqol. n
• Bular [Sharq muta-fakkirlari] zulm-zulmat, adolatsizlik, jaholat, xurofotning ashaddiy dushmani edilar. — K. Yashin — Hamza.
• Dushman bilan boʻladigan janglarda qoʻrqoqlik qilmanglar. — "Hadis"dan.
• Polk mudofaa qilib yotgan rayon ustida dushmanning necha yuzlab samolyoti behisob bomba yogʻdirdi. — A. Qahhor — Oltin yulduz.
• Yovvoyi oʻt — hosilning dushmani. Jahl — dushman, aql doʻst. — Maqol.
• Soʻnggi pushaymon — oʻzingga dushman. — Maqol. n
• Otabek ichkilikdan qattiq hazar qilar va bu kungacha mayni oʻziga dushman kabi koʻrib kelar edi. — A. Qodiriy — Oʻtgan kunlar
• ..tushkunlik — eng yomon dushman. — F. Musajonov — Himmat

Kelib chiqishi

Forschadan دُشْمَن - yog‘iy, yov; muxolif; badxoh.

Manba: Vikilug‘at