entikmoq

Ma’nolari

1. Xoʻrsinmoq.
2. Havo yetishmayotgandek qiynalib, tez-tez nafas olmoq, nafasi ogʻziga tiqilmoq.
3. Juda ishtiyoqida boʻlmoq; orziqmoq.

Misollar

• Davlatyor qattiq entikib oldi: Yoʻq, gaplashish juda qiyin. — P. Tursun — Oʻqituvchi.
• Kumush koʻzini yumdida, entikib qoʻydi, — A. Qodiriy — Oʻtgan kunlar.
• Narimon uzoq joydan chopib kelgan odamday entikar, boʻgʻiq ovoz bilan gapirar, koʻzlari olazarak boʻlib, atrofga qarardi. — P. Qodirov — Uch ildiz.
• Orqadan birovning boʻgʻiq nafasi, entikib hansiragani eshitildi. — A. Muxtor — Qoraqalpoq qissasi.
• Tezroq uyga yetib borib, Jamil Karimovich soʻzlarini eriga birma-bir aytib berishga entikardi. — Mirmuhsin — Nuqra.
• Biz baʼzida xom-xatala sheʼr yozib.. gazetada bosib chiqarishga entikamiz. — Gazetadan.
• Lekin u barq urib, mangu ochiladigan fursat qachon kelishini entikib kutardi. — Shuhrat — Jannat qidirganlar.

Manba: Vikilug‘at