haqiqiy

Ma’nolari

1. Chindan ham bor, chindan boʻlgan; asl, haqqoniy.
2. Oʻz nomi, unvoni va shu kabilarga toʻla munosib, loyiq.
3. Chin maʼnodagi.

Misollar

• Haqiqiy ahvol. Haqiqiy voqea. Haqiqiy fakt. Haqiqiy hodisa.
• Hoji xola oʻzining kimligini koʻrsatadigan haqiqiy sarguzashtini shu yerda yashirib, yolgʻon ayta boshlagan edi. — M.Ismoiliy — Fargʻona t.
• Haqiqiy familiyasi-chi? Shuni ayting! — K.Yashin — Hamza.
• Dadam noyob usul yaratib, haqiqiy insondan farq qiladigan sunʼiy odam — biorobotni vujudga keltiribdilar. — O.Moʻminov — Xiyobondagi uch uchrashuv.
• Haqiqat uchun kurashibdi, haqiqiy inson ekan dadangiz. — Oybek — Nur qidirib.
• Haqiqiy olim shuhrat uchun emas, haqiqat, fan ravnaqi uchun kurashadi. — R. Usmonov — Odobnoma.
• Ammo haqiqiy qish birinchi qor yoqqanda bilindi. — Oʻ.Hoshimov — Qalbingga quloq sol.
• Haqiqiy hayot mehnatdan boshlanadi, mehnatli hayot goʻzaldir. — Gazetadan.
• Haqiqiy muhabbat oldida hech qanday gov dosh berolmasligiga ishontirishim kerak edi. — O.Moʻminov — Xiyobondagi uch uchrashuv.
• Haqiqiy doʻstda insonning eng yaxshi xislatlari mujassamlashgan boʻladi. — Gazetadan.

Kelib chiqishi

[ arab. - chin, rost; asl, haqqoniy ]

Manba: Vikilug‘at