ilm

Ma’nolari

1. Oʻqish-oʻrganish va tadqiqot, tahdil etish bilan erishiladigan bilim; koʻnikma, maʼlumot.
2. Ish-faoliyatning ilm bilan bogʻliq sohasi; tabiat va jamiyat haqidagi bilimlar tizimi; fan.
3. Ish-faoliyatning maʼlum bir sohasiga oid bilim, taʼlimot, malaka.
4. Ilmi gʻayb ( ilmi gʻoyib) — Yashirin, sirli narsalarni bilish ilmi.

Misollar

• Ilm darajasi.
• Ilm olish huquqi.
• Ilm dargohi.
• Shariat ilmi.
• Dunyoviy ilmlar.
• Jamolboy aka, dini islomni qoʻldan bermasdan.. zamon ilmlarini oʻqilsa, zarar qilmaydi. — Oybek — Tanlangan asarlar.
• Domlamiz bizga bunday ilmlarni oʻqitmaganlar. — Mirkarim Osim — Ibn Sino qissasi.
• Kashfiyotsiz ilm boʻlmaganidek, ilm ham kashfiyotsiz nafas ololmaydi. — „Saodat“.
• Olim ilmi bilan hurmat topur, hofiz xush ovozi bilan odamlarning dilini xush qilur.. — Ibrohim Rahim — Chin muhabbat.
• Ish va hunar.
• Ilm va maʼrifat.
• Ilm va sanʼat.
• Yangi maktablar ochib, Qurʼoni karim va boshqa darslar bilan birga jugʻrofiya, tarix, hisob kabi ilmlarni ham taʼlim beraylik. — Oybek — Tanlangan asarlar.
• Islim barlos — sodda, dilovar, ov va qush ilmining piri. — Oybek — Navoiy.
• Bogʻdorchilik ilmini bilar ekan. — Saida Zunnunova — Yangi direktor.
• Harb. ilmida hamma yoʻl bekilganda, jangchi uchun oʻlimdan boshqa chora qolmagandagina oʻzini oʻzi halok qiladi, deyiladi. — Said Ahmad — Hukm.
• ...yoʻqsa ilmi gʻaybni kim bilibdur. — Abdulla Qodiriy — Mehrobdan chayon.
• Xon eshon ...dami oʻtkir, har qanday baloni ham daf qila oladigan, ilmi gʻoyibdan xabardor deb ovozasi ketgan. — Xudoyberdi Toʻxtaboyev — Yillar va yoʻllar.

Kelib chiqishi

— bilim; fan; nazariya

Manba: Vikilug‘at