Izohli lug‘at

izza

изза

Ma’nolari

Uyalish, xijolat hissi; ranj, dilozor.
Izza boʻlmoq (yoki tortmoq, yemoq, chekmoq) Uyat, xijolat hissini tuymoq; uyalmoq, xijolat boʻlmoq.
Izza qilmoq (yoki bermoq) Xijolat qilmoq, uyaltirmoq.

Bu ishning izzasi juda ham oʻtdi, Gʻam savdosi bunda meni horitdi. — "Bahrom va Gulandom".
Oting oʻzolmasa, nima qilasan? Bir oʻzbekdan izza boʻlib qolasan. — "Alpomish".
..undan bunday gap chiqishini kutmagan boʻlsa kerak, qattiq izza tortdi.. — A.Qahhor — Qoʻshchinor chiroqlari.
"Yetimdan hol soʻrash savob, deb kelibdi-da bular, ayajon!" Kelganiga rosa izza yeb, Boʻlishardi qizlar pushaymon. — O. Hojiyeva]] — Hayotga taʼzim.
Yigitali yaxshi koʻngilda aytgan gapining zil tomoni ham borligini fahmlab, izza chekdi. — T. Malik — Ajab dunyo.
Izza qilmang, jonim, kelar yil legkovoy [engil mashina] olib beraman. — Oybek — O. v. shabadalar.
Soʻz soʻzladim, avval quloq solgandi, Ul qiz soʻngra menga izza bergandi. — "Alpomish".

arab. – azoblash, ranjitish; ozor berish

Manba: Vikilug‘at

Ko‘rilgan: 0