kinoya

Ma’nolari

1. . Masxaralash, kulish uchun asl maʼnosidan boshqa, majoziy maʼnoda aytilgan soʻz, gap; qochirim, istehzo, piching, kesatiq ifodasi.
2. . Uslubiy vosita; badiiy asardagi inkor etish usullaridan biri boʻlib, biror shaxs yoki narsa ustidan kesatiq, qochiriq vositasida yashirin kulishdan iborat.

Misollar

• Xoʻsh, sizcha nima qilish kerak, oʻqimishli akam! — dedi kinoya bilan Yoʻlchi. — Oybek — Tanlangan asarlar.
• Saodatxonning.. yuzidagi jiddiylik oʻrnini gʻalati, kinoyaga oʻxshagan tabassum egalladi. — S. Zunnunova — Yangi direktor.
• Norboyevamisiz? Mehnatdan qochib kelibsiz-da, singlim, — Uning koʻzoynak orqasidagi koʻzlari kinoya bilan qisildi. — Oʻ. Hoshimov — Qalbingga quloqsol.
• Shodi Mudarrisovich.. iljayib turar, soʻzlarida hazil aralash kinoya ohangi bor edi. — D. Nuriy — Osmon ustuni.

Kelib chiqishi

arab. – belgi; shama, ishora; piching, kesatiq

Manba: Vikilug‘at