mavj

Ma’nolari

1. Suv yuzida shabadadan hosil boʻladigan jimir-jimir harakat; jimirlash.
2. Okean yoki dengiz yuzasining toʻliq shamolsizlik holatidagi erkin tebranma harakati.
3. Tovlanish, jilva.
4. Oʻymakorlikda: naqsh yuzasiga baliq tangachalari koʻrinishida tushirilgan toʻlqinsimon bezak.
5. kam qoʻll. toʻlqin.
6. Mavj urmoq 1) mavj qilmoq, jimirlamoq, mavjlanmoq.

Misollar

• Ravi daryosi uzoqda, koʻm-koʻk mavj bilan sekin oqadi. — Oybek — Nur qidirib.
• Archalarning toza, yashil mavji nur bilan yarqirab ketdi. — Oybek — Quyosh qoraymas.
• Havoda odamlar, qushlar va mashinalar sadosidan birikkan qandaydir yoqimli bir mavj suzar edi. — Oybek — O. v. shabadalar.
• Dengiz mavj urmoqda; 2) toʻlqinlanmoq, tebranmoq.
• Daryo tomondan gʻirillab esib turgan shabada yoʻl boʻyidagi oʻt-oʻlanlarni egar, tebratar, sargʻayib borayotgan arpalar mavjurar edi. — A. Qahhor — Qoʻshchinor chiroqlari 3) toʻlqinlanmoq, gʻulu qilmoq.
• Shikoyatli nidolar yosh yigit qalbida yolqinli va dardli tuygʻular mavj urganidan xabar berar edi. — P. Tursun — Oʻqituvchi.

Kelib chiqishi

[ arab. — toʻlqin ]

Manba: Vikilug‘at