muallaq

Ma’nolari

1. Havoda, biror narsaga tegmay, osilmay turib qolgan.
2. Muallaq oshmoq Sakrab havoda oyoqni bosh tomondan oshirib, yana yerga oyoq bilan tushmoq, umbaloq oshmoq.
3. Na u yoqli, na bu yokli boʻlmagan, arosat holda(gi); arosat.

Misollar

• Hozirgina don ortib oʻtgan mashina orqasidan koʻtarilgan chang havoda muallaq turib qoldi. — S.Ahmad — Kadrdon dalalar.
• Bir bechora soʻfiturgʻay, tabiat kashf etgan oʻxshashliklarning farqiga yetmayotganday, havoda muallaq turib vijirlaydi. — N. Fozilov — Oqim.
• Birovi yiqildi muallaq oshib. — "Gulixiromon".
• Bu hammasi hayotning eng nozik, eng muhim tomonlari edi va hammasi muallaq bir ahvolda yotardi. — P.Qodirov — Uch ildiz.
• U qayoqqa yon bosishni bilmay, qoq oʻrtada muallaq boʻlib qoldi. — A.Ubaydullayev — Hayot oqimi.

Kelib chiqishi

[ arab. - hal qilinmay qolgan; tobe, bogʻliq boʻlgan; osilgan, osilib qolgan ]

Manba: Vikilug‘at