qamal

Ma’nolari

1. . Shahar, qalʼa, armiya va shu kabilarni taslim boʻlishga majbur etish maqsadida dushman qoʻshinlarini qurshab olish va shunday holatda saqlash; qurshov, muhosara.
2. . Biror davlatni siyosiy yoki iqtisodiy jihatdan yakkalab qoʻyish maqsadidagi xatti-harakatlar majmui.
3. . Oʻrab olingan, chiqolmaydigan koʻrinishli holat haqida.
4. Qamal qilmoq Qamal holatiga olmoq, shunday holatda saqlamoq.

Misollar

• Qamal holati. Shaharni qamal qilmoq. Dushmanni qamalga olmoq. Qamalda qolmoq. Qamaldan chiqmoq.
• Yetmish kunlik bir qamal, yetmish kunlik chetdan va eng ozi qishloqlardan munosabatni uzib turish, albatta, Toshkentni boʻldirib qoʻygan edi. — A. Qodiriy — Oʻtgan kunlar.
• Axsi qalʼasining qamalda qolishi mirzoga endi muqarrardek tuyuldi. U eshik ogʻaga olti oylik zaxira tayyorlashni buyurdi. — P. Qodirov — Yulduzli tunlar.
• Iqtisodiy qamal.
• Oy bulutlar qamalidan chiqish uchun yugurardi. — "Yoshlik". — .
• Shahar qamal qilingani bu vahimani yana ham kuchaytirib yubordi. — Mirmuhsin — Meʼmor.
• Bobur oʻtgan dafʼa Samarqandni yetti oy qamal qilganda, shahar xalqi ochlikdan nechogʻli azob tortganini Navoiy ham eshitgan boʻlsa kerak. — P. Qodirov — Yulduzli tunlar.

Manba: Vikilug‘at