qiyom

Ma’nolari

1. . Quyosh tikka koʻtarilgan payt, tush payti; peshin.
2. . Meʼyor, marom.
3. . Oxirgi nuqta, tamom boʻlish payti, oxiri.

Misollar

• Qiyomda chopiqchilar dam olgani chiqishdi. Kun qiyomdan ogʻdi.
• Qiyom vaqtida bir qancha bolalar "toʻy keldi, toʻy keldi", deb baqirib-chaqirib yugurishdi. — Oybek — Tanlangan asarlar.
• Kun qiyomiga kelib, peshin namozi oʻqilgandan keyin koʻshkning ich-tashi jimjit boʻlib qoldi. — P. Qodirov — Yulduzli tunlar.
• Shavla qiyomiga yetib pishgan edi. Alijon ishtaha bilan huzur qilib yedi. — H. Nuʼmon — Fasllar.
• Fikr bahsda qiyomiga yetadi. — Shukrullo — Javohirlar sandigʻi.
• Ketmon deganni bir qiyomda chopadi kishi.. — A. Qahhor — Qoʻshchinor chiroqlari.
• Soch oldirish qiyomiga yetay deganda, sarrochlik — egar-jabduq rastasi tomondan qiygʻos toʻpolon ovoz koʻtarilib qoldi. — Gʻ. Gʻulom — Shum bola.
• Toʻylari gʻaribroq boshlandi-yu, qiyomida qizib ketdi. — E. Aʼzamov — Javob.
• Kanal qurilishi qiyomiga yeta boshlagach, Andijonga qaytdim. — "Oʻzbekiston qoʻriqlari".

Kelib chiqishi

arab. – tik turish, qoyim turish; joʻnab ketish; mavjudlik

Manba: Vikilug‘at