qurshov

Ma’nolari

1. . Atroflab oʻralgan, qurshab olingan holat qurshamoq 1).
2. . Chiqib keta olmaydigan, atrofi toʻsib, oʻrab olingan holat qurshamoq 2).
3. . qamal.
4. . Chulgʻagan, qamragan holat qurshamoq 3).
5. . Tevarak, atrof.
6. . Atrofdagi muhit, odamlar.

Misollar

• Davronov.. bolalarining qurshovida tandirdan endigina uzilgan non bilan nonushta qilib oʻtirgan edi. — I. Rahim — Ixlos.
• Temurbek mulozimlari qurshovida borib, hokimlik taxtiga oʻtirdi. — M. Mahmudov — Mangu kuy izlab.
• Besh marta qarshi ataka qilib, hech ish chiqara olmagandan keyin, endi qurshovda qolib, jon talvasasiga tushgan dushman oʻrmonga kirib ketish uchun qanday urinishini.. tasavvur qilar edi. — A. Qahhor — Oltin yulduz.
• Andijon qurshovda! Fitnachi beklar Andijon taxtiga Jahongir mirzoni oʻtqizmoqchilar. — P. Qodirov — Yulduzli tunlar.
• Ravshan xola goh koʻnglini yogʻday eritib, goh ogʻir, diltirnar oʻylar qurshoviga berilib xayol suradi. — S. Siyoyev — Rayhon.
• Boydada muallimning gaplarini qayta-qayta eslar.. dam chigal, dam qandaydir jumboqlar qurshoviga tushib qolganday sezardi oʻzini. — J. Abdullaxonov — Xonadon.
• Chamanzordir bogʻning qurshovi, Chah-chah urar quvnoq bulbullar. — M. Shayxzoda.
• Xarakter jism bilan birga ayni bir vaqtda tugʻilsa ham, qurshov taʼsirida voyaga yetadi. — I. Rahim — Hilola.

Manba: Vikilug‘at