Izohli lug‘at

sabr

сабр

Ma’nolari

. Biror holat yoki hodisani bardosh bilan kutish, qanoat qilish; oʻzini tiyish.
. Gʻam-kulfat, azob-musibatlarga chidash, toqat qilish, bardosh berish.
Sabr kosasi toʻlmoq Ortiq chidash yoki kutishga toqati qolmaslik, toqati toq boʻlmoq.
Sabr qilmoq Toqat, chidam bilan kutmoq.
Sabri chidamaslik Sabr qilolmaslik.

Sabr tagi — sariq oltin. — Maqol.
Banda deganning sabrdan boshqa chorasi yoʻq. — Hamza — Tanlangan asarlar.
Sabr — inson irodasining toji! — dedi Joʻraxon Majidga. — Nazarmat — Joʻrlar baland sayraydi.
Xalqning sabr kosasi toʻldi. — S. Siyoyev — Avaz.
Sabr qilsang, gʻoʻradan halvo bitar, Sabrsizlar oʻz oyogʻidan yitar. — Maqol..
Bir oz orqamni oʻgirib, indamay yotdim, u ham churq etmadi. Sabrim chidamadi, qayrilib qaradim. — Oydin — Hikoyalar.
Barno yoʻq ekan, bir oz kutdi, kelavermagach, oʻtirishga sabri chidamay, idoradan chiqdi. — O. Yoqubov — Er boshiga ish tushsa.

arab. – chidam, bardosh, iroda, qatiyat

Manba: Vikilug‘at

Ko‘rilgan: 0