sayin

Ma’nolari

1. koʻm. (b. k. bilan) 1 =gan affiksli sifatdoshlar bilan kelib, ish-harakatning tobora kuchaya borishini bildiradi.
2. Borgan sayin Borgan sari, tobora.
3. Vaqt bildiruvchi soʻzlar bilan kelib, ish-harakatning tadrijiy rivojlanishini yoki takrorlanishini bildiradi.
4. Unga sayin Biror holatdan ruxlana yoki oʻchakisha borib.

Misollar

• Sherzod boshqa xonadagi bemorlarning unga hasad bilan qarayotganini sezar, sezgan sayin gʻashi kelar edi. Oʻ. — Hoshimov — Nur borki, soya bor.
• Qizining qiynalayotganini koʻrgan sayin Basraning kasali zoʻriqardi. — R. Rahmon — Mehr koʻzda.
• Qorongʻilik quyuqlasha borar, koʻkdagi yulduzlar chamani ham borgan sayin yorqinroq chaqnar, havo badanga sezilarli sovir edi. — Oybek — Tanlangan asarlar.
• Yil sayin. Soat sayin. Kun sayin.
• Kun sayin ozadi yuragim, Kun sayin vujudim semirar. — Sh. Rahmon — Yurak qirralari.
• Har safar raqibining toʻriga (setkasiga) toʻp tushirganida, boyagi qiz quvonib qarsak chalar, unga sayin Rustam yaxshiroq oʻynar edi. Oʻ. — Hoshimov — Qalbingga quloq sol.

Manba: Vikilug‘at